Jahon bankining Yevropa va Markaziy Osiyo mintaqasi bo‘yicha vitse-prezidenti Anna Berde O‘zbekiston Prezidenti Shavkat Mirziyoyevga maktub yo‘lladi. Bu haqda Prezident matbuot kotibi xabar qildi.
Ma’lum qilinishicha, Anna Berde o‘z maktubida O‘zbekistonga tashrifi davomida ko‘rsatilgan samimiy va iliq qabul uchun minnatdorlik bildirgan.
“COVID-19 pandemiyasi keltirib chiqargan qiyinchiliklarga qaramay, mening tashrifim O‘zbekistonning transformatsiya jarayonlarini davom ettirishga qaratilgan iqtisodiy islohotlarni amalga oshirishdagi qat’iyati har doimgidek yuqori darajada ekanini yaqqol ko‘rsatdi.
Sizni va mamlakatingiz hukumatini ishontirib aytamanki, biz O‘zbekiston xalqi farovonligi yo‘lida qudratli, keng qamrovli va barqaror iqtisodiyotni rivojlantirishga qaratilgan islohotlarning yangi bosqichini qo‘llab-quvvatlashda davom etamiz”, – deyiladi maktubda.
Eslatib o‘tamiz, 18-may kuni Shavkat Mirziyoyev Jahon banki prezidentining o‘rinbosari Anna Berde boshchiligidagi delegatsiyani qabul qilgan edi.
Izoh (0)