Жаҳон банкининг Европа ва Марказий Осиё минтақаси бўйича вице-президенти Анна Бьерде Ўзбекистон Президенти Шавкат Мирзиёевга мактуб йўллади. Бу ҳақда Президент матбуот котиби хабар қилди.
Маълум қилинишича, Анна Бьерде ўз мактубида Ўзбекистонга ташрифи давомида кўрсатилган самимий ва илиқ қабул учун миннатдорлик билдирган.
«COVID-19 пандемияси келтириб чиқарган қийинчиликларга қарамай, менинг ташрифим Ўзбекистоннинг трансформация жараёнларини давом эттиришга қаратилган иқтисодий ислоҳотларни амалга оширишдаги қатъияти ҳар доимгидек юқори даражада эканини яққол кўрсатди.
Сизни ва мамлакатингиз ҳукуматини ишонтириб айтаманки, биз Ўзбекистон халқи фаровонлиги йўлида қудратли, кенг қамровли ва барқарор иқтисодиётни ривожлантиришга қаратилган ислоҳотларнинг янги босқичини қўллаб-қувватлашда давом этамиз», – дейилади мактубда.
Эслатиб ўтамиз, 18 май куни Шавкат Мирзиёев Жаҳон банки президентининг ўринбосари Анна Бьерде бошчилигидаги делегацияни қабул қилган эди.
Изоҳ (0)