Qashqadaryo viloyatining Shahrisabz tumanida Damas va Lacetti ishtirokida sodir bo‘lgan yo‘l-transport hodisasi oqibatida ikki kishi halok bo‘ldi. Bu haqda IIV YHXBB axborot xizmati xabar berdi.
Ma’lum qilinishicha, 30-may kuni soat 06:10 larda tuman hududidan o‘tuvchi 4K-307 Shahrisabz—Miroqi avtomobil yo‘lining 5-kilometrida Damas avtomobili o‘zi bilan bir yo‘nalishda harakatlanib kelayotgan va quvib o‘tishga uringan Lacetti bilan to‘qnashib ketgan.
Oqibatda Damas haydovchisi va uning ichida bo‘lgan bir nafar fuqaro vafot etgan. Ular ota-bola bo‘lgan. Lacetti haydovchisi esa turli tan jarohatlari bilan shifoxonaga yotqizilgan.
Avvalroq O‘zbekiston musulmonlari idorasi katta tezlikda mashina haydash oqibatida vafot etgan haydovchi o‘z joniga qasd qilgan maqomida bo‘lishi haqida fatvo bergani, keyinroq katta tezlikda mashina haydash oqibatida vafot etgan haydovchiga janoza o‘qilishi to‘g‘risida xabar berilgandi.
Izoh (0)