Қашқадарё вилоятининг Шаҳрисабз туманида Damas ва Lacetti иштирокида содир бўлган йўл-транспорт ҳодисаси оқибатида икки киши ҳалок бўлди. Бу ҳақда ИИВ ЙҲХББ ахборот хизмати хабар берди.
Маълум қилинишича, 30 май куни соат 06:10 ларда туман ҳудудидан ўтувчи 4К-307 Шаҳрисабз—Мироқи автомобиль йўлининг 5-километрида Damas автомобили ўзи билан бир йўналишда ҳаракатланиб келаётган ва қувиб ўтишга уринган Lacetti билан тўқнашиб кетган.
Оқибатда Damas ҳайдовчиси ва унинг ичида бўлган бир нафар фуқаро вафот этган. Улар ота-бола бўлган. Lacetti ҳайдовчиси эса турли тан жароҳатлари билан шифохонага ётқизилган.
Аввалроқ Ўзбекистон мусулмонлари идораси катта тезликда машина ҳайдаш оқибатида вафот этган ҳайдовчи ўз жонига қасд қилган мақомида бўлиши ҳақида фатво бергани, кейинроқ катта тезликда машина ҳайдаш оқибатида вафот этган ҳайдовчига жаноза ўқилиши тўғрисида хабар берилганди.
Изоҳ (0)