Argentinalik hujumchi Serxio Agueroning “Barselona”da qancha maosh olishi ma’lum bo‘ldi.
Mundo Deportivo nashrining xabariga ko‘ra futbolchining yillik maoshi soliqlardan tashqari 6 million yevroni tashkil etadi. Bundan tashqari, Serxio gollar, g‘alaba va sovrinlar uchun ham shartnomada ko‘rsatilganidek qo‘shimcha bonuslar olishi mumkin. Taqqoslash uchun, uning “Manchester Siti”dagi maoshi 23 million yevroga teng edi.
Qayd etish joiz, “Yuventus” Agueroga har tomonlama manfaatli shartnoma taklif qilgandi, ammo futbolchi “Barselona” variantini tanladi va 2023-yilning yoziga qadar mo‘ljallangan shartnoma imzoladi.
Aguero 2011-yildan buyon “Manchester Siti”da harakat qilib kelayotgandi. Futbolchi 2020/21-yilgi mavsum yakunida erkin agent maqomida jamoani tark etdi. 32 yoshli futbolchi “Manchester Siti” safida umumiy hisobda 390 ta o‘yin o‘tkazib, 260 ta gol muallifiga aylandi.
Izoh (0)