Professional futbol ligasi (PFL) Superliganing may oyidagi eng yaxshilari nomini e’lon qildi.
“So‘g‘diyona” bosh murabbiyi Ulug‘bek Baqoyev may oyining eng yaxshi murabbiyi deb topildi. Jizzaxliklar Baqoyev qo‘l ostida ortda qolgan oyda uchta o‘yinda uchta g‘alaba qayd etdi.
Ushbu sovrin uchun shuningdek, quyidagi murabbiylar kurash olib borgandi:- Piter Hyuistra (“Paxtakor”) — 3 ta o‘yin, 2 g‘alaba, 1 durang;
- Viktor Jalilov (“Navbahor”) — 3 o‘yin, 1 g‘alaba, 2 durang.
“Paxtakor” hujumchisi Dragan Cheran esa oyning eng yaxshi o‘yinchisi nomiga loyiq ko‘rilgan. Serbiyalik legioner may oyidagi uch o‘yinda uchta gol muallifiga aylandi.
Mazkur sovrin uchun quyidagi futbolchilar ham kurash olib borgandi:
- Shohruz Norxonov (“So‘g‘diyona”) – 3 o‘yin, 1 gol, 2 assist;
- Temurxo‘ja Abduxoliqov (“Lokomotiv”) – 3 o‘yin, 3 gol, 1 assist;
- Sanjar Tursunov (“OKMK”) – 3 o‘yin, 2 gol, 1 assist;
- Javohir Qahramonov (“So‘g‘diyona”) – 3 o‘yin, 3 gol;
- O‘tkir Yusupov (“Navbahor”) – 3 o‘yin, 2 quruq o‘yin, 5 seyv.
Eslatib o‘tamiz, aprel oyida “Nasaf” bosh murabbiyi Ro‘ziqul Berdiyev va jamoa yarim himoyachisi Marko Stanoyevich oyning eng yaxshilari qatorida e’tirof etilgandi.
Izoh (0)