Surxondaryo viloyatida faollar yig‘ilishi bo‘lib o‘tdi. Davlat rahbari viloyatda parrandachilik rivoji juda past ekanini tanqid qildi.
“Parranda go‘shti eng qimmat hudud — Surxondaryo. Nima uchun? Chunki mehnat qilmayapsiz. Andijonda yaylov yo‘q, ammo ular parranda yetishtirishni o‘zlashtirgan. Surxondaryo shuncha imkoniyatlari bilan orqada yurishi uyat emasmi?
Nima uchun viloyatda parrandachilik rivojlanmayapti? Surxondaryoda tuxum yeb, kasal bo‘lganlar yo‘qmi? Yoki tovuq go‘shtidan mazasi bo‘lmay qolganlar-chi? Agar sog‘liq uchun zarari bo‘lmasa, nimaga parrandachilikni rivojlantirmayapsiz?” — dedi Shavkat Mirziyoyev.
Avvalroq Prezident Surxondaryoda Toshkentga bog‘liq bo‘lgan birorta muammo qolmaganini, 60 ta sektor rahbari 100 foiz ish vaqtini mahallada o‘tkazishi kerakligini hamda Surxondaryoda yangi institut faoliyati yo‘lga qo‘yilishini ma’lum qilgani haqida xabar berilgandi.
Izoh (0)