“Real” Zinedin Zidan klubdan ketganidan keyin jamoani boshqarishi mumkin bo‘lgan mutaxassislarning nomzodlarini ko‘rib chiqmoqda.
Ayni paytda Madrid klubining short-listiga “Everton” bosh murabbiyi Karlo Anchelotti, avvalroq “Inter”ni tark etgan Antonio Konte va “Real Kastilya”ni boshqarayotgan Raul kiritilgan.
Cadena SER nashrining “Qirollik klubi”dagi yaqin manbalarga asoslanib, xabar berishicha, “Real” va Anchelotti o‘rtasidagi aloqalar bundan to‘rt kun oldin boshlangan. Shuningdek, “Everton”ning Anchelotti klubni tark etishi mumkinligini hisobga olib, yangi murabbiy izlashni boshlab yuborgani aytilmoqda. “Real” rahbariyati ham italiyalikning qaytishiga ijobiy munosabatda ekanligi qo‘shimcha qilingan.
61 yoshli mutaxassisning “Everton” bilan amaldagi shartnomasi 2024-yilda o‘z yakuniga yetadi.
Anchelotti 2013—2015-yillarda ham “Real”ga ustozlik qilgan. Madridliklar uning boshchiligida Chempionlar Ligasi, klublar o‘rtasidagi Jahon chempionati, Ispaniya Kubogi va mamlakat Superkubogida g‘alaba qozongan.
Mavzuga doir
Izoh (0)