UEFA Chempionlar Ligasining 2020/21-yilgi mavsum yakunlari bo‘yicha 23 kishidan iborat bo‘lgan ramziy terma jamoani e’lon qildi.
Undan yetti nafar “Chelsi” futbolchisi o‘rin oldi. Finalchi “Manchester Siti”dan esa 5 nafar futbolchi tarkibga kiritilgan.
E’tiborlisi, 23 talik tarkibda “Yuventus” hujumchisi Krishtianu Ronalduga joy topilmadi. Turin klubi bilan 1/8 finalga qadar yetib borgan Ronaldu mavsum davomida 6 o‘yin o‘tkazib, 4 ta gol va 2 ta golli uzatmani aniq amalga oshirgandi.
Mavsum ramziy (fentezi) terma jamoasi:
Darvozabonlar: Ederson (“Manchester Siti”), Tibo Kurtua (“Real”), Eduard Mendi (“Chelsi”).
Himoyachilar: Sesar Aspilikueta, Antonio Ryudiger, Ben Chiluell (barchasi – “Chelsi”), Ruben Diash (“Manchester Siti”), Markinyos (“PSJ”), David Alaba (“Bavariya”).
Yarim himoyachilar: Jorjinyo, Meyson Maunt, Ngolo Kante (barchasi – “Chelsi”), Kevin de Bryuyne, Ilkay Gundo‘g‘on, Fil Foden (barchasi – “Manchester Siti”), Luka Modrich (“Real”), Serjiu Oliveyra (“Portu”).
Hujumchilar: Erling Holand (“Borussiya D”), Kilian Mbappe, Neymar (ikkisi – “PSJ”), Robert Levandovski (“Bavariya”), Karim Benzema (“Real”), Lionel Messi (“Barselona”).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)