«Реал» Зинедин Зидан клубдан кетганидан кейин жамоани бошқариши мумкин бўлган мутахассисларнинг номзодларини кўриб чиқмоқда.
Айни пайтда Мадрид клубининг шорт-листига «Эвертон» бош мураббийи Карло Анчелотти, аввалроқ «Интер»ни тарк этган Антонио Конте ва «Реал Кастиля»ни бошқараётган Рауль киритилган.
Cadena SER нашрининг «Қироллик клуби»даги яқин манбаларга асосланиб, хабар беришича, «Реал» ва Анчелотти ўртасидаги алоқалар бундан тўрт кун олдин бошланган. Шунингдек, «Эвертон»нинг Анчелотти клубни тарк этиши мумкинлигини ҳисобга олиб, янги мураббий излашни бошлаб юборгани айтилмоқда. «Реал» раҳбарияти ҳам италияликнинг қайтишига ижобий муносабатда эканлиги қўшимча қилинган.
61 ёшли мутахассиснинг «Эвертон» билан амалдаги шартномаси 2024 йилда ўз якунига етади.
Анчелотти 2013—2015 йилларда ҳам «Реал»га устозлик қилган. Мадридликлар унинг бошчилигида Чемпионлар Лигаси, клублар ўртасидаги Жаҳон чемпионати, Испания Кубоги ва мамлакат Суперкубогида ғалаба қозонган.
Мавзуга доир
Изоҳ (0)