Milliarderlar qalbini zabt etgan ayollar (foto)

Boy erkaklar faqat modellarga ko‘ngil qo‘yadi, degan stereotip mavjud. Ammo milliarderlar advokat, iqtisodchi, fotosuratchi va o‘qituvchilarni ham sevib qolishadi.

Jeff Bezosning sevgilisi — Loran Sanches

Jeff Bezos (boyligi 177 milliard dollar) yozuvchi va xayriya bilan shug‘ullanuvchi Makkenzi Skott bilan 25 yillik turmushlaridan so‘ng, 2019-yilda ular ajralishdi. U hozirda aktrisa Loran Sanches bilan uchrashmoqda. Loran karyerasini jurnalist sifatida boshlagan, “Jangchilar klubi”, “Ertangi kun” va “Fantastik to‘rtlik” singari mashhur filmlarda epizodik rollarda qatnashgan, shuningdek, bolaligida aviatsiyaga qiziqishi tufayli uchuvchilik litsenziyasini olgan. Sanches va Bezosni bir-birlari bilan tanishuvlariga samolyotga bo‘lgan muhabbat sababchi bo‘lgan. Ular parvoz haqida suhbatlashib, ularda juda ko‘p o‘xshashliklar borligini tushunishgan.

Larri Ellisonning sevgilisi — Nikita Kan

Milliarder Larri Ellison (boyligi 93 milliard dollar) 4 marta turmush qurgan. Hozirda Oracle korporatsiyasining 76 yoshli hammuassisi 30 yoshli Nikita Kan bilan uchrashmoqda. Nikita Ukrainada tug‘ilgan, keyin AQShga ko‘chib o‘tgan va ko‘chmas mulk sohasida karyera qilgan. Bundan tashqari, Nikita o‘zini aktrisa sifatida ham sinab ko‘rgan, shuningdek, hayvonlar huquqlarini himoya qilish ishlarida faollik ko‘rsatadi.

Sergey Brinning rafiqasi — Nikol Shanaxan

2007-yildan 2015-yilgacha Google asoschilaridan biri Sergey Brin (boyligi 89 milliard dollar) tadbirkor va 23andMe biotexnika kompaniyasining direktori Ann Vojitski bilan turmush qurgan. Keyinchalik milliarder advokat Nikol Shanaxan bilan uchrshishni boshladi. Nikol ClearAccessIP kompaniyasining asoschisi hisoblanadi. Brin 2018-yilda Nikol bilan oila qurgan va hozirda juftlikning bir nafar qizi bor.

Mukesh Ambanining rafiqasi — Nita Ambani

Osiyoning eng boy odami Mukesh Ambani (boyligi 84,5 milliard dollar) 36 yildan beri Nita Ambani bilan umrguzaronlik qiladi. Nita o‘qituvchi, professional raqqosa, oilaviy neft konserni sho‘ba korxonasiga egalik qiladi, shuningdek, u xayriya ishlari bilan ham shug‘ullanadi. Ambanilarning 3 nafar farzandi bor.

Den Gilbertning rafiqasi — Jennifer Gilbert

AQShning eng yirik ipoteka kreditori — Quicken Loans asoschilaridan biri Den Gilbert (boyligi 51,9 milliard dollar) Jennifer Gilbert bilan turmush qurgan. Jennifer dizayn va san’at bilan shug‘ullanadi, shuningdek, hozirda u butun e’tiborini katta o‘g‘li Nikka tashxis qo‘yilgan neyrofibromatozni davolash vositasini izlashga qaratgan.

Stiven Shvartsmanning rafiqasi — Kristin Xyorst Shvartsman

Blackstone Group investitsiya kompaniyasi rahbari Stiven Shvartsman (boyligi 21,9 milliard dollar) Kristin Xyorst Shvartsman bilan oila qurgan. Milliarderning rafiqasi yuridik diplomga ega va ushbu sohada muvaffaqiyatli karyera sohibasi hisoblanadi. Hozirda Kristin xayriya ishlari bilan shug‘ullanadi. Shuningdek, u raqsga tushishni ham yaxshi ko‘radi.

Leonid Blavatnikning rafiqasi — Emili Blavatnik

Leonid Blavatnik Access Industries kompaniyasining muvaffaqiyati tufayli milliarder aylangan. Hozirda uning hisob raqamida 32 milliard dollar bor. Leonidning rafiqasi Emili haqida ma’lumotlar juda kam. Ammo bu er-xotin haqidagi eng ajoyib fakt shuki, ular ilgari “Buyuk Getsbi” uslubida katta bazmlar uyushtirishni yoqtirishgan.

Leonardo Lauderning rafiqasi — Judi Ellis Glikman

Leonardo Lauder oilaviy biznes —  Estée Lauder kosmetika kompaniyasini boshqaradi. Shu biznesi orqasidan 25,5 milliard dollar ishlab topishga muvaffaq bo‘lgan. Leonardo Judi Ellis Glikman bilan oila qurgan. Judi suratlari butun dunyo bo‘ylab namoyish etilgan va 300 dan ortiq shaxsiy va jamoat kolleksiyalarining bir qismiga aylangan taniqli fotograf hisoblanadi.

Jeyms Xarris Saymonsning rafiqasi — Merilin Xarris Saymons

Matematik Jeyms Xarris Saymons dunyodagi eng aqlli milliarder deb ta’riflanadi. Shuningdek, u The Economist tomonidan tarixdagi eng yaxshi investor deb topilgan. Jeyms Merilin Xarris Saymons bilan baxtli hayot kechirmoqda. Merilin iqtisod fanlari nomzodi va eng yirik xayriya tashkilotlaridan biri — Simons Foundation asoschisi.

Fil Naytning rafiqasi — Penni Nayt

Fil Nayt Nike kompaniyasining asoschisi bo‘lib, uning boyligi 49,9 milliard dollarga teng. 1968-yilda Fil hayotining mazmuni — Penni bilan tanishgan. Ular hali ham birga baxtli hayot kechirmoqda. Penni — filantrop, u eri bilan birga saraton markazlariga yordam beradi.