Qamoqda o‘tirib chiqqan Gollivud yulduzlari (foto)

Mashhurlardan kimlar ma’lum muddatga ozodlikdan mahrum qilingani haqida ma’lumot berib o‘tamiz.

Mark Uolberg

O‘smirligida Mark janjal va narkotiklar sabab 25 marta politsiyaga borishiga to‘g‘ri kelgani yetmagandek, 1988-yil 16 yoshida ikki kishini joniga qasd qilishga urinishda ayblangan. U Daily Mail nashriga bergan intervyusida qilmishiga yarasha jazo olgani hamda qamoqda eski hayotiga tezroq qaytishini tushunib yetganini aytgan. 45 kun qamoqda o‘tirib chiqqaniga qaramay, Uolberg yana bir qancha janjallarga ham aralashib qolgan.

Kichik Robert Dauni

1980-yillarda aktyor narkotiklarga o‘ralashib qolgan. 1996-yilda aktyor uch yillik muddatga majburiy davolanishga hukm qilingan, biroq bir yildan so‘ng tanadagi giyohvand moddalarni aniqlash bo‘yicha majburiy testga kelmagani sabab yarim yil qamoqda o‘tirishiga to‘g‘ri kelgan. 1999-yilda yana 1 yilga ozodlikdan mahrum qilingan. U Gollivuddagilarning xotirasi yomonligi, bugungi kunda hech kim uni qamoqda o‘tirib chiqqanini eslolmasligini bildirgan.

Lil Kim

Bundan 10 yil avval Lil yolg‘on guvohlik berishda ayblangan. U 2001-yilda hamkasbi ishtirok etgan otishma bilan bog‘liq faktlarni yashirgan.

Mayk Tayson

1991-yilda bokschi “Amerikaning qora tanli go‘zali” maqomiga loyiq deb topilgan 18 yoshli Dezira Vashingtonga tegajog‘lik qilishda ayblangan. Jeyms Duglas bilan jangda mag‘lubiyati sabab o‘zining professional omadsizligidan shundoq ham depressiyada bo‘lgan sportchi qiz bilan bog‘liq sud jarayonlaridan keyin yana ham tushkunlikka tushgan. 6 yilga ozodlikdan mahrum qilingan Tayson 3 yil o‘tirib chiqqan. “Qamoqdan chiqqanimda men vanna qabul qilishdan boshqa narsani xohlamaganman. Barcha jirkanchlikni yuvib yuborishni istaganman”, — degan Tayson.

Tommi Li

1998-yilda xonanda rafiqasi Pamela Andersonga qo‘l ko‘targani uchun 4 oy qamoqda o‘tirib chiqqan. Qizig‘i ozodlikka chiqqanidan keyin juftlik hech nima bo‘lmagandek birga yashay boshlagan.

Eesli Snayps

Soliqlarni to‘lamasdan, taxminan, 15 million dollar qarz bo‘lgani sabab Eesli bir necha yil qamoqda o‘tirib chiqqan.

Reper 50 Cent

1994-yilda narkotiklarni saqlash va sotishda ayblangan reper 3 yilga ozodlikdan mahrum qilingan. Ammo xonanda yarim yildan keyin ozodlikka chiqqan.

Denni Trexo

O‘g‘rilik va narkotiklar sabab umrining 11 yilini qamoqda o‘tkazgan Denni karyerasini boshlashdan avval bokschi bo‘lishni orzu qilgan. Hozirda aktyor hamkasblariga reabilitatsiyaga yordam berish va maktablarda giyohvandlikning zarari to‘g‘risida ma’ruza qilishdan bosh tortmaydi.