Futbol bo‘yicha Amerika Kubogi—2021 musobaqasi mezbonligi Argentinadan ham tortib olindi.
CONMEBOL matbuot xizmatining ma’lum qilishicha, Argentinada koronavirus bilan bog‘liq vaziyat avj olgani sabab mamlakat mezbonlikdan mahrum etilgan.
Avvalroq yana bir mezbonlardan biri Kolumbiya mamlakatdagi siyosiy vaziyat va COVID-19 tufayli musobaqani o‘zida o‘tkazish huquqidan ayrilgandi.
CONMEBOL bayonnomasida keltirilishicha, tashkilot mezbonlikka qiziqish bildirgan boshqa mamlakatlar taklifini o‘rganib chiqadi. Yakuniy qaror haqida keyinroq ma’lum qilinadi.
Ayrim xabarlarga ko‘ra, musobaqa AQShda o‘tkazilishi ham mumkin.
Musobaqa 13-iyun kuni start olishi belgilangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)