Ijtimoiy tarmoqlarda Surxondaryo viloyati hokimi To‘ra Bobolov MMA musobaqasida mahalliy sportchiga muxlislik qilayotgani tasvirlangan video tarqaldi.
22—23-may kunlari Termizda “Sharq uchun urush” nomli xalqaro MMA oqshomi o‘tkazildi. Musobaqa viloyat hokimi To‘ra Bobolovning nutqidan keyin ochib berildi. Unda Afg‘oniston, Tojikiston va Qirg‘izistondan tashrif buyurgan MMA jangchilari o‘zbekistonlik sportchilarga qarshi bahs yuritdi. Bobolov o‘zbekistonlik sportchilar ishtirokidagi janglarda faol muxlislik qildi.
O‘zbekiston vakili Eldor Eronov va afg‘onistonlik Bahaderi Ali Rizo o‘rtasidagi kechgan asosiy jangda Bobolov oktagon yonida mahalliy yakkakurashchiga ko‘rsatmalar berib turgan. Ushbu jangning birinchi raundidayoq Eronov raqibini taslim etdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)