O‘zbekiston milliy terma jamoasi Vadim Abramov Tailandga qarshi kechgan nazorat uchrashuvidan (4:1) keyin o‘z fikrlari bilan o‘rtoqlashdi.
O‘zimiz uchun yetarli xulosalarni chiqardik, yoqimli va yoqimsiz holatlar bor. Ish jarayoni ketmoqda, raqib munosib harakat qildi. Umuman olganda hammasi yaxshi, issiq havoga ko‘nikyapmiz.Ayrim vaziyatlar ustida ishlashimiz kerak. Xursand qiladigan tomoni ketma-ket ikkinchi o‘yinda yutqaza turib, vaziyatni o‘nglashga erishdik. Biroq baribir to‘p o‘tkazib yuborayotganimiz xursand qilmayapti. Hozircha muammo shunda.
Menimcha, Singapur ham shu darajadagi jamoa. Tailandning bundan avvalgi o‘yinini ko‘rgandik. Raqibning ayrim jihatlarini o‘rgandik va bundan foydalandik. Biroq bu o‘yinga jiddiy qarash kerak emas. Rasmiy o‘yinlarda butkul boshqacha bo‘ladi.
Vadim Abramov, O‘zbekiston terma jamoasi bosh murabbiyi
O‘zbekiston—Tailand uchrashuvida kiritilgan gollarni bu yerda tomosha qilish mumkin → video.
O‘zbekiston terma jamoasi saralash bosqichida Singapur (7-iyun), Yaman (11-iyun) va Saudiya Arabistoniga (15-iyun) qarshi o‘yinlar o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)