Футбол бўйича Америка Кубоги—2021 мусобақаси мезбонлиги Аргентинадан ҳам тортиб олинди.
CONMEBOL матбуот хизматининг маълум қилишича, Аргентинада коронавирус билан боғлиқ вазият авж олгани сабаб мамлакат мезбонликдан маҳрум этилган.
Аввалроқ яна бир мезбонлардан бири Колумбия мамлакатдаги сиёсий вазият ва COVID-19 туфайли мусобақани ўзида ўтказиш ҳуқуқидан айрилганди.
CONMEBOL баённомасида келтирилишича, ташкилот мезбонликка қизиқиш билдирган бошқа мамлакатлар таклифини ўрганиб чиқади. Якуний қарор ҳақида кейинроқ маълум қилинади.
Айрим хабарларга кўра, мусобақа АҚШда ўтказилиши ҳам мумкин.
Мусобақа 13 июнь куни старт олиши белгиланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)