Lego kompaniyasi Marvel olamining yangi jamlanmasini taqdim etdi. Unda “Qasoskorlar: Cheksizlik urushi” va “Qasoskorlar: Final” filmlaridagi “cheksizlik qo‘lqopi”ni ko‘rish mumkin. Uning yordamida Tanos koinotdagi barcha tirik mavjudotning yarmini qirib yuborgan, deb xabar beradi “Afisha.uz”.
Jamlanma 590 ta mayda qismlardan, jumladan, oltita “cheksizlik toshlari”dan iborat. Jamlanma bilan birga, qo‘lqopni joylashtirish uchun maxsus taglik ham yetkazib beriladi.
Yig‘ilgan holatda qo‘lqop uzunligi 32 santimetrga yetadi. Barmoqlar konstruksiyasi qimirlagani sabab xuddi Tanos kabi barmoqlar yordamida “chertish”ni amalga oshirish mumkin.
Yangi jamlanma 70 dollar narxida 1-avgustdan sotuvga chiqadi. Biroq uni hozirdan buyurtma qilish mumkin.
Avvalroq Lego gul va o‘simliklar terish mumkin bo‘lgan botanik jamlanmani taqdim etgani to‘g‘risida xabar berilgandi.
Izoh (0)