Instagram: Qizi bilan qo‘shiq kuylagan Shohjahon Jo‘rayev, Lola Karimovadan sovg‘a olgan Sevara Nazarxon, Yulduz Usmonova nechta tilda so‘zlasha oladi?

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

O‘zbekiston xalq artisti Xayrulla Sa’diyev hamda rejissor Jahongir Ahmedov Tojikistonda ijodiy safarda bo‘ldi.

Shohjahon Jo‘rayev qizi o‘qiydigan maktabda o‘tkazilgan “So‘nggi qo‘ng‘iroq” tadbirida qizi bilan birga qo‘shiq kuyladi.

Rayhon jiyani Latifani tug‘ilgan kuni bilan tabrikladi.

“Afruz” guruhining “Kim oladiyo” qo‘shig‘iga ishlangan klip taqdim etildi. Klipda Otabek Mirzaxolov, Shahlo Zoirova hamda Javlon Shodmonov bosh rollarni ijro etgan bo‘lib, unda andijonlik yoshlarning Toshkentdagi kulgili sarguzashtlari haqida hikoya qilinadi.

Turkiyalik aktyor Burak O‘zchivit sahifasiga yangi surat joyladi.

Ijtimoiy tarmoqlarda O‘zbekiston xalq artisti Yulduz Usmonovaning ingliz tilida ravon gapirayotgani aks etgan video tarqaldi. Ma’lumotlarga ko‘ra, Yulduz Usmonova ingliz tilidan tashqari, rus, turk va tojik tillarida bemalol so‘zlasha oladi. U ayni paytda arab tilini ham o‘rganmoqda.

Qilichbek Madaliyev Xorazmda Bunyodbek Saidov bilan uchrashdi.

O‘zbekistonda xizmat ko‘rsatgan artist Sevara Nazarxon Lola Tillayeva-Karimovaga sovg‘a uchun minnatdorchilik bildirdi. Lola Karimova unga o‘zining shaxsiy brendiga oid atirni jo‘natgan.

Aktrisa Gulchehra Eshonqulova qizalog‘i bilan tushgan suratni sahifasiga joyladi.

Sitora Alimjonova yangi obrazda ko‘rinish berdi.