Muxlislar qalbidan joy olgan mashhur aktyor va aktrisalarning aynan qaysi filmdagi ijrosi Amerika kinoakademiyasitomonidan mukofotga loyiq topilgani haqida ma’lumot berib o‘tamiz.
Keyt Blanshett
2005-yil aktrisa “Aviator” filmidagi Ketrin Xepbern ijrosi uchun “Eng yaxshi ikkinchi darajali aktrisa” sifatida “Oskar”ga sazovor bo‘lgan. 2014-yilda esa “Jasmin” filmidagi millionerning rafiqasini gavdalantirgani “Eng yaxshi rol ijrochisi” sifatida “Oskar” berilishiga sabab bo‘lgan.
Entoni Xopkins
1992-yilda “Qo‘zilarning sukunati” filmidagi psixiatr Gannibal Lekter ijrosi sabab “Oskar” mukofotini “Eng yaxshi aktyor” sifatida qo‘lga kiritgan Entonining 2021-yilgi taqdirlash marosimida ham shu yo‘nalishda eng yaxshi deb topilishga “Ota” filmida demensiyadan aziyat chekayotgan qariyani gavdalantirgani sabab bo‘lgan.
Xilari Suenk
Aktrisa “Yigitlar yig‘lamaydi” filmidagi roli sabab 2000-yilgi taqdirlash marosimida “Eng yaxshi aktrisa” sifatida mukofotni qo‘lga kiritgan. 2005-yilgi ham xuddi shu yo‘nalish bo‘yicha eng yaxshi deb topilib, “Oskar”ga ega bo‘lgan va bunga “Million Dollar Baby” filmidagi ijrosi sabab bo‘lgan.
Sandra Bullok
Sandra “Mehr hududi” filmida afroamerikalik o‘smir bolani qaramog‘iga olgan ayol ijrosi bois “Eng yaxshi aktrisa” sifatida “Oskar”ga ega bo‘lgan.
Riz Uizerspun
Rizning “Walk the line” filmida xonanda Jonni Keshning ikkinchi rafiqasi Jun Karterni gavdalantirgani uning 2006-yilgi “Oskar” taqdirlash marosimida “Eng yaxshi aktrisa” deb topilishiga sabab bo‘lgan.
Robert De Niro
Robert 1975-yilda “Cho‘qintirgan ota-2” filmidagi ijrosi sabab “Eng yaxshi ikkinchi darajali aktyor”, 1981-yilda “Raging Bull” filmidagi ijrosi bois esa “Eng yaxshi aktyor” sifatida “Oskar”ga sazovor bo‘lgan.
Kolin Fert
Kolinning “Qirol nutqi” filmidagi logoped yordamida nutqidagi nuqsonni bartaraf qilishga urinadigan Buyuk Britaniya qiroli — Jorj VI roli unga “Eng yaxshi aktyor” sifatida “Oskar” olib kelgan.
Meril Strip
Meril 1980-yilda “Kramer Kramerga qarshi” filmi uchun “Eng yaxshi ikkinchi darajali aktrisa”, 1983-yilda “Sofining tanlovi” filmidagi ijrosi va 2012-yilda “Temir xonim”dagi roli uchun esa “Eng yaxshi aktrisa” sifatida “Oskar” mukofoti bilan taqdirlangan.
Nikol Kidman
Aktrisa “Soatlar” filmida mashhur ingliz yozuvchisi Virjiniya Vulf obrazini gavdalantirgani “Eng yaxshi aktrisa” sifatida “Oskar”ga loyiq topilishiga sababchi bo‘lgan.
Tom Xenks
Tom 2 marta — 1994-yilda “Filadelfiya” filmidagi yurist roli, 1995-yilda “Forrest Gamp” filmidagi bosh qahramon ijrosi sabab “Eng yaxshi aktyor” sifatida “Oskar”ni qo‘lga kiritgan.
Jek Nikolson
Jek “Kakku uyasi uzra parvoz” filmidagi Rendli Patrik Makmerfi roli sabab “Eng yaxshi aktyor” nominatsiyasi bo‘yicha, 1984-yilda “Endearment Terms” filmidagi fazogirni gavdalantirgani sabab “Eng yaxshi ikkinchi darajali aktyor”, shuningdek, 1988-yil “Bundan yaxshisi bo‘lmaydi” filmidagi yozuvchi Melvin Yudellani ijro qilgani uchun “Eng yaxshi aktyor” sifatida “Oskar”ga ega bo‘lgan.
Kristof Vals
2010-yilda “Sharafsiz vahshiylar” filmidagi ijrosi uchun “Eng yaxshi aktyor” sifatida e’tirof qilingan aktyor 2013-yilda “Ozod qilingan Jango” filmidagi roli sabab “Eng yaxshi ikkinchi darajali aktyor” deb topilgan.
Mettyu Makkonaxi
Aktyor “Dallas xaridorlar klubi” filmidagi roli uchun 2014-yilgi taqdirlash marosimida “Eng yaxshi aktyor” sifatida mukofotni qo‘lga kiritgan.
Eddi Redmeyn
Eddi “Stiven Hoking koinoti” filmida bosh qahramon rolini gavdalantirgani uchun 2015-yilgi taqdirlash marosimida “Eng yaxshi aktyor” sifatida “Oskar”ga ega bo‘lgan.
Juliya Roberts
Real voqealar asosida suratga olingan “Erin Brokovich” filmida shahar aholisi huquqlarini himoya qilib, yirik korporatsiyaga qarshi chiqadigan sobiq go‘zallik tanlovi g‘olibi — Erin rolini gavdalantirgani sabab Juliya 2001-yilda “Eng yaxshi aktrisa” sifatida “Oskar”ni qo‘lga kiritgan.
Frensis Makdormand
Frensis uch marta —1997-yilda “Fargo” filmidagi roli, 2018-yilda “Missuri, Ebbing chegarasidagi uchta reklama taxtasi” filmidagi haqiqat qidiradigan ona ijrosi va 2021-yilda “Ko‘chmanchilar o‘lkasi” filmidagi ishidan ayrilib, butun shahar bo‘ylab furgonda safarga otlangan ayol obrazi uchun “Eng yaxshi aktrisa” sifatida “Oskar”ga loyiq ko‘rilgan.
Keyt Uinslet
“Kitobxon” filmidagi Germaniya shaharlaridan birida tramvay konduktori bo‘lib ishlaydigan ayol — HannaShmits ijrosi Keytning 2009-yilda “Eng yaxshi aktrisa” sifatida “Oskar”ga sazovor bo‘lishiga sababchi bo‘lgan.
Izoh (0)