Миллий Олимпия қўмитаси (МОҚ) ва Ўзбекистон футбол ассоциацияси вице-президенти Равшан Эрматов 23 май, якшанба куни «Тошкент 5 ташаббус ҳаракати» ёшлар фестивали доирасидаги учрашувда фаолиятини якунлаган айрим футболчилар нега хайрлашув учрашувлари ўтказмагани ҳақидаги саволга жавоб қайтарди. Бу ҳақда «Дарё» мухбири хабар берди.
Тўғри, аввалги футболчиларга фаолияти охирида хайрлашув учрашувлари ўтказилган.Сервер Жепаров, Темур Кападзе, Игнатий Нестеров ҳам Ўзбекистоннинг фахри. Уларга ҳозир хайрлашув учрашуви ўтказасизми десангиз, вақти ҳам йўқ. Чунки улар мураббийлик йўналишига жиддий киришиб кетган. Жепаров ҳам, Кападзе ҳам. Нестеров ҳозир футбол мутахассисларини тайёрлаш марказида ўқияпти, мураббийлик лицензиясига эга.Темур Кападзе 2017 йилда футболчилик фаолиятини якунлаган бўлса, Жепаров 2019 йилда бутсасини «михга илганди».Лекин бу режамизда бор эди. Орада пандемия ҳам бўлди. Ҳозир бунгача етиб келмадик. Тез орада яна бир-икки футболчи фаолиятини якунлайди, ўшанда битта қилиб ўтказамиз.
Равшан Эрматов, МОҚ ва ЎФА вице-президенти
Мавзуга доир: «Атлетико М» Ўзбекистонга келадими? Равшан Эрматов бунга аниқлик киритди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)