22 май куни «Евровидение» танловининг финал босқичи бўлиб ўтди. Унга кўра Италия биринчи, Франция иккинчи, Швейцария эса учинчи ўринга лойиқ деб топилган. Танловдаги энг ёрқин чиқишлари билан эсда қолган иштирокчилар ҳақида маълумот бериб ўтамиз.
Элена Сагрину — El diablo (Кипр)
1994 йил Афинада дунёга келган Элена 14 ёшида «Greece Got Talent» танловининг ярим финалигача етиб борган. 2013 йилдан OtherView гуруҳида 5 йил фаолият юритганидан кейин яккахон ижод қилишга қарор қилган.
Анжела Перистери — Karma (Албания)
35 яшар Анжела нафақат хонандалик, балки қўшиқ муаллифи ва модель сифатида ҳам яхши маълум бўлган. У бир қанча танловлар, хусусан, «Фестивали и Кенгес», «Кенга Магжике», истеъдодлилар шоуси «X Factor Greece» ҳамда «Албания гўзали»да иштирок этган.
Эден Алене — Set Me Free (Исроил)
Айни вақтда 20 ёшда бўлган исроиллик хонанда карьерасини 2017 йилда бошлаган ва «X Factor» шоусида ғолиб бўлган. 2018 йилдаги «Better» қўшиғи янада машҳурликка эришишига ҳисса қўшган.
Hooverphonic — The Wrong Place (Бельгия)
1995 йилда октябрда ташкил қилинган «Hooverphonic» триоси фаолияти давомида уч марта альбом тақдим қилиш ҳамда Бельгиянинг мусиқий чартларини забт этишга улгурган.
Манижа — Russian Woman (Россия)
Манижа Далеровна Сангин 1991 йил 8 июнда Душанбеда дунёга келган. Карьерасини 2003 йилда бошлаган хонанда бир неча танловларда ғолибликка эришган. Шунингдек, у БМТнинг қочқинлар бўйича олий комиссарлигининг кўнгилли элчиси ҳисобланади ва Россияда амалга ошириладиган бир қанча лойиҳа ва тадбирларида иштирок этади.
Destiny — Je Me Casse (Мальта)
9 ёшидан қўшиқ куйлашни бошлаган Дестинига ҳақиқий омад болалар «Евровидение»сида иштирокида келган. У танловда тўплаган баллари билан рекорд қўйган.
The Black Маmbа — Love Is On My Side (Португалия)
Педро Татанка, Мигел Касаиса, Марко Помбино, Руи Педро Ваза ва Гилерме Салгейрадан ташкил топган «The Black Маmbа» гуруҳи фаол ижод қилиш билан бирга, Португалиядан ташқаридаги фестивалларда ҳам иштирок этиб келади.
Hurricane — Lоcо Lоcо (Сербия)
Гуруҳ аъзоларидан бири Саня Вучич 2016 йилги «Евровидение»да иштирок этиб 18-ўринни эгаллаган. 2017 йилда ташкил топган гуруҳ томонидан 2019 йилда куйланган «Favorito» қўшиғи YouTube’да 34 миллион мартадан кўпроқ кўрилган.
James Newman — Embers (Буюк Британия)
Жеймс «Rudimental» билан ҳамкорлик қилиб машҳурликка эришган ва «Feel the Love» номли қўшиғи билан БританиядагиUK Singles Chart’да етакчилик қилган.
Stefania — Last Dance (Греция)
2016 йилда болалар «Евровидение»сида «Kisses» қўшиғи билан иштирок этган. У хонандаликдан ташқари фильмларда ҳам суратга тушади.
Gjon’s Tears — Tout l’Univers (Швейцария)
12 ёшида «Albanians Got Таlent» шоусида иштирок этиб учинчи ўринни эгаллаган Gjon’s Tears «Die grоssten Schweizer Talente» шоусининг ярим финалигача етиб борган. 2019 йилда эса «Франция овози» шоусида иштирок этиб унда ҳам ярим финал босқичида иштирок этган.
Gagnamagnid – Дади Фрейр етакчилигидаги мазкур мусиқий гуруҳнинг танловдаги иштироки энг катта ғалабаларидан бири саналади.
Blas Canto — Voy A Querdarme (Испания)
29 яшар Блас 2004- йилда болалар «Евровидение»сида 4-ўринни эгаллаганидан кейин машҳурликка эришган.
Жендрик — I Don’t Feel Hate (Германия)
Оснабрук университетни тамомлаган Жендрик театрда фаолият юрита бошлаган ва «Бриолин», «Питер Пен» сингари мюзиклларда роль ижро қилган.
Blind Channel — Dark Side (Финляндия)
2103 йилда ташкил қилинган гуруҳ 2014 йил Германиядаги энг нуфузли фестиваллардан бири ҳисобланган «Wacken Open Air»да иштирок этган. Кейинчалик «Naysayers» ва «Calling Оut» номли қўшиқлари билан машҳурликка эришган.
Victoria — Growing Up is Getting Old (Болгария)
Хонанда «X-Factor Bulgaria» шоусидаги иштирокидан кейин машҳурликка эришган. Шундан кейин Моnte Music билан шартнома имзолаб яккахон карьера бошлаган.
The Roop — Discoteque (Литва)
Илк «To Whom It May Concern» номли альбомини 2015 йилда тақдим қилган гуруҳ нафақат Литва, балки мамлакатдан ташқарида ҳам гастрол сафарларига борган. 2018 йилда ҳам «Евровидение»да иштирок этишга уринган, аммо бу иккинчи уриниш сингари муваффақиятли якун топмаган.
Gо А — «Шум» (Украина)
2016 йилда «The Best Track in Ukraine» танловида иштирок этган гуруҳнинг «Веснянка» қўшиғи машҳурликка эришган. 2016 йилда илк альбомини тақдим қилган ижодкорларнинг «Веснянка»си 2019 йилда Словакияда Топ-10 iTunes Dance чартидан ўрин олган.
Барбара Прави — Voila (Франция)
2014 йилда карьерасини бошлаган Барбара 2015 йилда «Capitol Music France» лейбли билан шартнома имзолаган. 2016 йилда «Heidi» фильми учун «On m’appelle Heidi» саундтрекини куйлаган Барбара 2016 йилда «Un ete 44» фильмида суратга тушган.
Эфенди — Мата Ҳари (Озарбайжон)
Болалигидан қўшиқ куйлайдиган Самира «Ени улдуз», «Боюк сеҳне» сингари танловлардаги иштирокидан кейин машҳурликка эришган. 2016 йилда «The Voice of Azerbaijan» шоусида иштирок этган ва учинчи ўринни эгаллаган.
TIX — Fallen Angel (Норвегия)
Профессионал карьерасини 2015 йилда бошлаган ТIX илк бор «Domt og beromt» номли альбом тақдим қилиб, Норвегиянинг мусиқий чартларида иккинчи ўринни эгаллаган. У нафақат хонанда, балки қўшиқ муаллифи сифатида ҳам яхши маълум.
Jeangu Macrooy — Birth of a New Age (Нидерландия)
Popacademy’да мусиқа соҳасида таълим олиш учун 2014 йилда Нидерландияга кўчиб келган АrtEZ икки марта альбом тақдим қилиш ҳамда бир маротаба концерт беришга улгурган.
Maneskin — Zitti E Buoni (Италия)
2015 йилда ташкил қилинган гуруҳ, илк «Chosen» альбоми Италиянинг FIMI Singles Chart’ида иккинчи ўринни эгаллаганидан кейин машҳурликка эришган.
Tusse — Voices (Швеция)
Карьерасини 2018 йилда «Таlang» танловида иштирок этишдан бошлаган хонанда бир йил ўтиб «Swedish Idol» шоусида ғалабага эришган.
Senhit — Adrenalina (Сан-Марино)
Карьерасини Швейцария ва Германияда бошлаган Senhit 2002 йилда Италияга қайтган ва 4 йилдан кейин илк альбомини тақдим қилган. 2011 йилги «Евровидение»да иштирок этган аммо финалга етиб бора олмаган.
Изоҳ (0)