22-may shanba kuni Dubay valiahd shahzodasi Hamdan birinchi marta ota bo‘ldi. Bu haqda Hello nashri xabar bermoqda.
Bo‘lajak amir oilasida egizaklar dunyoga kelgan. O‘g‘il chaqaloqqa Rashid, qiz chaqaloqqa Shayx deb ism qo‘yilgan. 38 yoshli shahzoda Instagram’dagi sahifasida hayotidagi eng baxtli lahzaning fotosuratini bo‘lishgan. Rasmda Hamdan yangi tug‘ilgan chaqaloqlar bilan bobosi — Dubayning amaldagi amiri portreti oldida divanda o‘tirgan holda suratga tushgan.
Eslatib o‘tamiz, 2019-yil iyun oyida Dubay valiahd shahzodasi Shayx bin Said bin Sani al-Maktumga uylangan edi.
Avvalroq to‘y marosimida ishtirok etish uchun O‘zbekiston Prezidentining o‘g‘li Miralisher va kuyovlari Oybek Tursunov, Otabek Umarov hamda nevarasi Miromon Dubayga tashrif buyurib, shayx Muhammad bin Roshid al-Maktumni tabriklashgani haqida xabar berilgandi.
Mavzuga doir:
- Dubay amirining o‘g‘li O‘zbekistonda lochin bilan ov qildi (video)
- Shavkat Mirziyoyevning o‘g‘li va kuyovlari Dubay valiahd shahzodasi bilan sportzalda suratga tushdi (foto)
- Foto: Dubay shahzodasi bir oy ichida ikkinchi marta O‘zbekistonga keldi
- Instagram yulduzi: shoir, sportchi, Dubay valiahd shahzodasi
Izoh (0)