Samarqand viloyati Jomboy tumanida sodir bo‘lgan yo‘l-transport hodisasi oqibatida bir kishi halok bo‘ldi, deb xabar beradi IIV YHXBB axborot xizmati.
Ma’lum qilinishicha, avariya 18-may kuni soat 03:10 larda tumanning “Zarafshon” MFY O‘rtabo‘z qishlog‘i hududidan o‘tuvchi Olmaota—Toshkent—Termiz avtomobil yo‘lining 1079-kilometrida sodir bo‘lgan.
Kattaqo‘rg‘onlik 33 yoshli fuqaro boshqaruvida bo‘lgan Cobalt yo‘lning taqiqlangan joyidan kesib o‘tayotgan piyodani urib yuborgan. Yoshi 50-55 larda ekanligi taxmin qilinayotgan jabrlanuvchi og‘ir tan jarohatlari oqibatida voqea joyida vafot etgan.
Avvalroq Samarqandda piyodalar yo‘lagidan o‘tayotgan 24 yoshli yigit yuk mashinasi urib yuborishi oqibatida halok bo‘lgandi, Samarqand tumanida turkiyalik haydovchi boshqaruvidagi Volvo yuk mashinasi urib yuborishi oqibatida 39 yoshli piyoda vafot etgandi. Shuningdek, viloyatning Past Darg‘om tumanida 71 yoshli otaxon Damas urib yuborishi oqibatida, Payariq tumanida 9 yoshli bola Damas urib yuborishi oqibatida shifoxonada vafot etgani haqida xabar berilgandi.
Izoh (0)