Farg‘ona viloyati Quva tumanidagi zapravkada “Jiguli”ning gaz balloni portlab ketdi. Bu haqda YHXBB matbuot xizmati xabar berdi.
Ma’lum qilishicha, voqea 22-may kuni soat 19:20 larda ushbu avtomobilga gaz to‘ldirilayotganda yuz bergan.
Oqibatda yaqin atrofda turgan mashina haydovchisi 32 yoshli T.F. va 58 yoshli A.X. tan jarohati bilan shifoxonaga olib ketilgan.
Hodisa yuzasidan tuman IIB YHXB va FVB tomonidan surishtiruv harakatlari olib borilmoqda.
Shu kuni Qashqadaryo viloyati Chiroqchi tumanidagi avtomobil yo‘li bo‘ylab harakatlanayotgan Nexia’ning gaz balloni portlab ketgandi. 22-aprelda esa Qashqadaryoda metan “zapravka”da turgan Nexia’ning gaz balloni portlashi oqibati bir kishi halok bo‘lgandi.
Shuningdek, Sirdaryoda metan zapravkada turgan Damas’ning gaz balloni, Buxoroda ko‘chada harakatlanib ketayotgan “Jiguli”ning gaz balloni, Buxoroda Matiz’ning gaz balloni portlashi oqibatida mashinalarga zarar yetgani to‘g‘risida xabar berilgandi.
Izoh (0)