Instagram: Og‘ir yotgan To‘ti Yusupova, yomg‘irda kirakashlik qilgan Shahlo Zoirova, Moskvadagi uyini ko‘rsatgan Zarina Nizomiddinova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

“Bravo”chi Shahlo Zoirova sharros yomg‘ir quyayotgan vaqtda xizmatga ketayotganiga qaramay, taksi to‘xtatib turgan yo‘lovchilarni o‘z mashinasida manziliga eltib qo‘ydi.

Shuningdek, 24-may kuni Shahloning qizi Shaydo tug‘ilgan kunini nishonlamoqda. Shahlo qiziga iliq tilaklarini o‘z sahifasida yozib qoldirdi.

Bollivud aktrisasi Ayshvariya Ray onasini 70 yoshga to‘lgani munosabati bilan tabrikladi.

Tiktoker Ozod Xurramov 25-may kuni ko‘pchilikda kuzatilgan voqea haqida qiziqarli rolik tayyorladi.

Komik aktyor Dilshod Mirzamurodov yangi loyiha uchun tanib bo‘lmas darajada o‘zgardi.

Aktrisa Zarina Nizomiddinova ilk marta Moskvadagi uyi ko‘ringan qisqa videoni sahifasiga joyladi.

Jahongir Xo‘jayev keksa muxlisasi bilan raqsda “musobaqalashdi”.

Davron Kabulov turmush qurganiga 5 yil to‘lishi munosabati bilan turmush o‘rtog‘i hamda qizining suratini sahifasiga joyladi.

Shohruxxonning namanganlik muxlisalari uni ko‘rganida xursandchilik va hayajonini qanday ifodalagani aks etgan video ijtimoiy tarmoqlarda tarqalmoqda.

Shahzoda Denzel Vashington bosh rolni ijro etgan “To‘siqlar” filmini folloverlariga tavsiya qildi.

Xonanda Dilfuza Ismoilova necha marta plastik operatsiyalarga murojaat qilgani haqida gapirdi.

Ozoda Nursaidova esa folloverlariga ichki xotirjamlikni saqlab qolish uchun yetarli darajada kuchli bo‘lishlarini tiladi.

O‘zbekistonda xizmat ko‘rsatgan artist, taniqli aktrisa Ra’no Yarasheva To‘ti Yusupovaning og‘ir ahvolda ekanligini ko‘zida yosh va o‘kinch bilan so‘zlab berdi.

Madhiya yangrayotganida qo‘lini qayerga qo‘yishni bilmay qolgan o‘zbekistonlik amaldorlar haqida Germaniya televideniyesida ham so‘z bordi.

23-may kuni Tashkent City’da ochiq osmon ostida o‘tkazilayotgan konsert vaqtida yomg‘ir sharros quysa-da, tomoshabinlar joylaridan qimirlamay konsert tomosha qilishda davom etgani aks etgan video ijtimoiy tarmoqlarda ommalashmoqda.