Volkswagen kompaniyasi sayohatlar va toza havoda hordiq chiqarish uchun mo‘ljallangan ixcham Taos krossoverining modifikatsiyasi — Taos Basecamp’ni taqdim etdi. Hozircha bu konsept, ammo kelajakda Volkswagen uni opsional staling-paketga transformatsiya qilish niyatida, deb xabar beradi Motor.
Taos Basecamp prototipi Volkswagen’ning Oksnarddagi dizaynerlari jamoasi tomonidan yaratilgan. U tashqi ko‘rinishi bilan standart krossoverdan farq qilmaydi.
Taos’ning tom qismiga Thule Canyon XT diod “qandili”ga ega ekspeditsiya yukbo‘lmasi o‘rnatilgan. Bundan tashqari, krossover H&R Special Springs LP ko‘tarilgan “podveskasi” bilan jihozlangan, g‘ildirak diskalari ancha yirigiga almashtirilib, unga Falken Wildpeak A/T Trail yo‘ltanlamas rezinalari “kiygizilgan”.
Ixcham krossover salonida to‘rli to‘siq paydo bo‘lgan bo‘lib, u yukning salonga tushishiga yo‘l qo‘ymaydi. Texnik nou-xaulardan ham foydalanilgan: konsept kompasli hoshiyasiz Gentex HomeLInk Bluetooth oynasiga ega bo‘lgan Volkswagen’ning birinchi modeliga aylandi.
AQSh bozorida Volkswagen Taos 2021-yilning iyunida sotuvga chiqadi. Dastlabki ma’lumotlarga ko‘ra, model 110 va 150 ot kuchini taqdim etishga qodir 1,6 hamda 1,4 motorlari bilan jihozlanadi.
Avvalroq Volkswagen Nokia kompaniyasi taqdiridan qochmoqchi ekanligi, kompaniya akkumulyatorlarni qayta ishlaydigan zavodni ishga tushirgani to‘g‘risida xabar berilgandi.
Izoh (0)