Toyota kompaniyasi yangi Tundra pikapining qisqa videotizerini e’lon qildi. To‘qqiz soniyali videoda optikadan boshqa biror narsani anglash qiyin bo‘lsa-da, u 2007-yildan buyon o‘zgarmagan avlodning yangilangan modeliga shama qilmoqda, deb yozadi Motor.
Kadrlarda asosiy blok-faralar va T-simon yurish chiroqlari hamda boshqa bir nechta yoritish manbalarini ko‘rish mumkin: keng o‘lchamli sariq faralar, “tumanga qarshi” va markaziy seksiya. Shuningdek, suratlarda yangicha jihozlangan radiator panjaralari ham ko‘zga tashlangan.
Dastlabki ma’lumotlarga ko‘ra, yangi avlod Tundra bazasini ichki kod nomi F1 bo‘lgan Toyota platformasi tashkil qiladi. Kelajakda unda Sequoia va 4Runner yo‘ltanlamaslari, bundan tashqari, Tacoma pikapi yig‘iladi.
Modelning texnik jihati borasida hozircha rasmiy ma’lumotlar yo‘q. Taxminlarga ko‘ra, pikapning motor gammasi qatoridan 5,7 litrli V8 yo‘qolib ketadi, uning o‘rniga kichikroq dvigatel keladi: 450 ot kuchini taqdim etisha qodir 3,5 litrli V6 “tvin-turbo”. Shu bilan birga, Toyota o‘zining Tundra modeli uchun gibrid dvigatel tayyorlamoqda.
Izoh (0)