Bugatti kompaniyasi 1500 ot kuchiga ega W16 motori o‘rnatilgan Chiron Sport avtomobili hamda paluba qiruvchi samolyoti Dassault Rafale o‘rtasida o‘tkazilgan poyga videosini e’lon qildi. Avtomobil yerda samolyotga biror imkoniyat qoldirmagan, biroq qiruvchi havoga ko‘tarilgach, undan o‘zib ketgan, deb xabar beradi Motor.
Poygachi Chiron Sport’ning Les Legendes du Ciel nomi (“Samo afsonasi”) ostidagi “aviatsiya” versiyasi ishtirok etgan. U o‘tgan yuz yillikning boshidagi ham uchuvchi, ham poygachi bo‘lgan professionallarga bag‘ishlangan.
Mazkur giperkar to‘rtta turbokompressorga ega standart W16 motori bilan jihozlangan. Sakkiz litrli agregat 1500 ot kuchi ga 1600 Nm aylanuvchi momentni taqdim etishga qodir. “Aviatsiya” Chiron Sport’i soatiga 100 kilometr tezlikka 2,4 soniyada erishadi, maksimal tezligi — 420 kilometr/soat.
Dassault Rafale qiruvchi samolyotining turboreaktiv dvigateli 58 550 nyuton kuchni taqdim etishga qodir — bu 5727 ot kuchiga teng. Samolyot va giperkar poygasi “7227 ot kuchi poygasi” nomi olgan — ularning motorlari jami shuncha ot kuchini taqdim etadi.
Bellashuv Fransiyadagi Harbiy havo kuchlari bazasining 1,5 kilometrli uchish yo‘lagida tashkillashtirilgan. Chiron Sport’ni XX asrning oxirlarida “Formula-1”da chiqish qilgan Bugatti’ning Pyer-Anri Rafanel ismli poygachisi boshqargan. Dastlabki soniyalarda giperkar oldinga o‘tib ketgan, biroq bir necha yuz metrdan so‘ng, qiruvchi yerdan uzilgan va havoda avtomobilni ortda qoldirgan.
Izoh (0)