Volkswagen компанияси саёҳатлар ва тоза ҳавода ҳордиқ чиқариш учун мўлжалланган ихчам Taos кроссоверининг модификацияси — Taos Basecamp’ни тақдим этди. Ҳозирча бу концепт, аммо келажакда Volkswagen уни опционал сталинг-пакетга трансформация қилиш ниятида, деб хабар беради Motor.
Taos Basecamp прототипи Volkswagen’нинг Окснарддаги дизайнерлари жамоаси томонидан яратилган. У ташқи кўриниши билан стандарт кроссовердан фарқ қилмайди.
Taos’нинг том қисмига Thule Canyon XT диод «қандили»га эга экспедиция юкбўлмаси ўрнатилган. Бундан ташқари, кроссовер H&R Special Springis LP кўтарилган «подвескаси» билан жиҳозланган, ғилдирак дискалари анча йиригига алмаштирилиб, унга Falken Wildpeak А/Т Trail йўлтанламас резиналари «кийгизилган».
Ихчам кроссовер салонида тўрли тўсиқ пайдо бўлган бўлиб, у юкнинг салонга тушишига йўл қўймайди. Техник ноу-хаулардан ҳам фойдаланилган: концепт компасли ҳошиясиз Gentex HomeLInk Bluetooth ойнасига эга бўлган Volkswagen’нинг биринчи моделига айланди.
АҚШ бозорида Volkswagen Taos 2021 йилнинг июнида сотувга чиқади. Дастлабки маълумотларга кўра, модель 110 ва 150 от кучини тақдим этишга қодир 1,6 ҳамда 1,4 моторлари билан жиҳозланади.
Аввалроқ Volkswagen Nokia компанияси тақдиридан қочмоқчи эканлиги, компания аккумуляторларни қайта ишлайдиган заводни ишга туширгани тўғрисида хабар берилганди.
Изоҳ (0)