«Андижон ёшлар форуми — 2021» доирасида Асака туманида ташкил этилган спорт мусобақаларида туман ҳокими Мансурбек Алиханов мастер-класс кўрсатди.
Туман ҳокимлиги хабарига кўра, 20 май куни Андижон вилояти Асака туманидаги болалар-ўсмирлар спорт мактаби спорт залида спортнинг ўзбек жанг санъати туридан вилоят мусобақаси очилиш маросимида туман ҳокими Мансурбек Алиханов махсус чиқиш қилган.
Ҳокимлик хабарида айтилишича, вилоятнинг 10 та туманидан 200 нафардан зиёдроқ ёш спортчилар иштирок этаётган турнирда ҳокимнинг бу чиқиши «ёшларга ўзгача мотивация берди».
Маълумот учун, ушбу форумга 19 май куни старт берилди. 20 май куни «Эргашобод» МФЙда жойлашган болалар- ўсмирлар спорт мактабида туман ҳокими ва сектор раҳбарлари спортнинг бел олиш учкураши йўналишида спортчилар билан гиламга тушиб, спортчилар учун мастер-класс ўтиб берган.
21 майгача давом этадиган Андижон ёшлар форуми доирасидан Асака туманида ўзбек жанг санъати, эркин кураш, бел олиш учкураши ҳамда шахмат (аёллар ўртасида) спорт мусобақалари ўрин олган.
Изоҳ (0)