Toshkentning ayrim ko‘chalarida avtomobil harakati “Toshkent Besh tashabbus” tadbirlari doirasida cheklanadi, deya xabar qilmoqda shahar hokimligi matbuot xizmati.
Yoshlar uchun “Toshkent Besh tashabbus” tadbirlari o‘tkazilishi munosabat bilan 2021-yilning 21-may kunidan 25-may kuniga qadar soat 06:00 dan 00:00 gacha quyidagi ko‘chalarda avtotransport vositalarining harakati cheklanadi:
- Buyuk Turon ko‘chasining Alisher Navoiy va Matbuotchilar ko‘chalari oralig‘idagi qismi;
- Zarafshon ko‘chasining Alisher Navoiy va Matbuotchilar ko‘chalari oralig‘idagi qismi;
- Istiqlol ko‘chasining Buyuk Turon ko‘chasi va Amir Temur shohko‘chasi oralig‘idagi qismi;
- Mustaqillik shohko‘chasining Zarafshon ko‘chasi va Amir Temur xiyoboni oralig‘idagi qismi.
Izoh (0)