Naomi Kempbell birinchi marta ona bo‘ldi. Bu haqda 50 yoshli supermodel o‘zining Instagram sahifasida ma’lum qildi.
“Ushbu go‘zal jajji mo‘jiza meni ona sifatida tanladi. Hayotimda bu nafis qalbning paydo bo‘lishi men uchun katta sharafdir. Shu on sen bilan bog‘lagan hayot aloqalarini ta’riflashga tilim ojiz, farishtam. Bundan yuksak muhabbat yo‘q”, – deb yozgan Naomi yangi tug‘ilgan chaqaloqning ta’sirli suratiga.
https://www.instagram.com/p/CPA-OI0JwBp/?utm_source=ig_embed&ig_rid=a0835456-882f-4942-a754-e241f037924c
Naomi chaqaloqning ismi va jinsi haqida batafsil ma’lumot bermagan. Shuningdek, Naomi homilador holatda ko‘rinish bermaganligi tufayli bola qanday tug‘ilganini ham aytmagan. Ehtimol, chaqaloqni surrogat ona dunyoga keltirgandir.
Model bir necha yildan beri ona bo‘lishni xohlar edi: “Men har doim ona bo‘lishni xohlardim, – deydi Naomi 2017-yilgi intervyusida. – Zamonaviy texnologiyalar tufayli xohlagan vaqtda farzand ko‘rishim mumkin”.
O‘sha vaqtda bola asrab olishni xohlaysizmi, degan savolga Kempbell “ehtimol” deb javob bergan. Uning uchun bolaning to‘la-to‘kis oilada o‘sishi muhim: “Men bolaning otasi bo‘lishini istayman. O‘ylaymanki, bu juda muhim”, — deya javob qaytargan edi model.
Ma’lumotlarga ko‘ra, Naomi hozirda yolg‘iz. Uning rossiyalik oligarx Vladislav Doronin bilan munosabati to‘rt yil davom etdi. Juftlik turmush qurishni ham rejalashtirgan, ammo munosabatlar 2012-yilda kelib yakun topgan.
Izoh (0)