Наоми Кемпбэлл биринчи марта она бўлди. Бу ҳақда 50 ёшли супермодель ўзининг Instagram саҳифасида маълум қилди.
«Ушбу гўзал жажжи мўъжиза мени она сифатида танлади. Ҳаётимда бу нафис қалбнинг пайдо бўлиши мен учун катта шарафдир. Шу он сен билан боғлаган ҳаёт алоқаларини таърифлашга тилим ожиз, фариштам. Бундан юксак муҳаббат йўқ», – деб ёзган Наоми янги туғилган чақалоқнинг таъсирли суратига.
https://www.instagram.com/p/CPA-OI0JwBp/?utm_source=ig_embed&иг_рид=а0835456-882ф-4942-а754-э241ф037924c
Наоми чақалоқнинг исми ва жинси ҳақида батафсил маълумот бермаган. Шунингдек, Наоми ҳомиладор ҳолатда кўриниш бермаганлиги туфайли бола қандай туғилганини ҳам айтмаган. Эҳтимол, чақалоқни суррогат она дунёга келтиргандир.
Модель бир неча йилдан бери она бўлишни хоҳлар эди: «Мен ҳар доим она бўлишни хоҳлардим, – дейди Наоми 2017 йилги интервьюсида. – Замонавий технологиялар туфайли хоҳлаган вақтда фарзанд кўришим мумкин».
Ўша вақтда бола асраб олишни хоҳлайсизми, деган саволга Кемпбэлл «эҳтимол» деб жавоб берган. Унинг учун боланинг тўла-тўкис оилада ўсиши муҳим: «Мен боланинг отаси бўлишини истайман. Ўйлайманки, бу жуда муҳим», — дея жавоб қайтарган эди модель.
Маълумотларга кўра, Наоми ҳозирда ёлғиз. Унинг россиялик олигарх Владислав Доронин билан муносабати тўрт йил давом этди. Жуфтлик турмуш қуришни ҳам режалаштирган, аммо муносабатлар 2012 йилда келиб якун топган.
Изоҳ (0)