Prezident Shavkat Mirziyoyev Toshkent shahrining Uchtepa tumanidagi “Tepaqo‘rg‘on” mahallasida bo‘ldi. Shuningdek, poytaxtning barcha hokimlari ishtirokida Toshkent shahrida xizmat ko‘rsatish sohasidagi ish o‘rinlarini rivojlantirish va ko‘paytirish bo‘yicha rejalar taqdimoti bo‘lib o‘tdi, deb xabar beradi “Gazeta.uz”.
Toshkent shahar hokimi Jahongir Ortiqxo‘jayev tadbirkorlarga kredit berish o‘rniga, ijaraga beriladigan binolar bilan ta’minlashni taklif qildi. Unga ko‘ra, ular uchun biznesni ijaraga olgan joyda boshlash yaxshiroqdir. Bu esa biznes tugatilishi mumkin bo‘lgan taqdirda xatarlarni, zararlarni va oqibatlarni kamaytiradi. Shahar hokimi bu bilan 150 emas, 4 000 kishi ish bilan ta’minlanishiga ishonadi.
“Hozir biz tahlil qilyapmiz. Ushbu (qarz berish uchun ajratilgan) 300 milliard so‘mni 150 kishi 2 milliard so‘mdan olishi mumkin... Tadbirkorning hech narsasi yo‘q, uning rejasi bir oy ichida o‘xshamasligi mumkin va (berilgan) pul qaytmaydi. Keling, tadbirkorni qiyin ahvolga solmaylik”, – deydi hokim.
Jahongir Ortiqxo‘jayev yangi binolarning birinchi qavatida va ilgari qurilgan ko‘p qavatli uylarning biznesga ijaraga berilishi mumkin bo‘lgan bo‘sh joylari borligini ta’kidladi.
Shahar hokimi Prezidentdan o‘zlarini foydalanmaydigan bino egalari uchun jarima foizlarini joriy etishga ruxsat berishni so‘radi.
“Keyin shahardagi ijara bozoridagi narxlar keskin pasayishni boshlaydi”, – dedi u.
Hokim mulk ijaraga berilmasa yoki olti oy davomida ishlatilmasa, uning egalari uchun jarima joriy etishni taklif qildi. Uchrashuvda soliqning progressiv stavkasini joriy etish to‘g‘risida ham taklif berildi.
“Nafaqat uylarning ostidagi (binolar). Agar tadbirkorlar 6 oy ichida o‘z joylaridan foydalanmasalar, ular jarimani to‘lashlari kerak”, – dedi Prezident va korxonaning shaharda joylashgan joyiga qarab jarimalar belgilashni taklif qildi. Masalan, shahar markazidagi foiz stavkalari chekkalarga qaraganda yuqori bo‘ladi.
Shavkat Mirziyoyev hokimning taklifini ma’qulladi va bir yil ichida Toshkentda tajriba o‘tkazishni buyurdi. Unga ko‘ra, yangi tartib xususiy mulkka ham, davlat mulkiga ham tegishli bo‘ladi.
Bundan avval Toshkentda davlat organlari va tashkilotlari joylashgan yer uchastkalari, bino va inshootlar inventarizatsiya qilinishi, Shavkat Mirziyoyev past quvvatlarda ishlayotgan tadbirkorlik subyektlari faoliyatini jonlantirish bo‘yicha topshiriq bergani hamda Shavkat Mirziyoyev muammoli kreditlar bo‘yicha mas’ul rahbarlarni tanqid qilib, qarzdorliklarni undirish yuzasidan topshiriq bergani haqida xabar berilgandi.
Izoh (0)