Navoiy viloyati Karmana tumanida spirtli ichimlik ta’sirida bo‘lgan aka-uka restoranda janjal ko‘tarib, ofitsiantlardan birining bo‘yniga o‘roq sanchib oldi. Bu haqda viloyati IIB axborot xizmati xabar berdi.
Ma’lum qilinishicha, 10-may kuni taxminan tungi soat 02:30 larda D.K. ismli fuqaro mast holda akasi B.S. bilan birga jamiyatda yurish-turish qoidalarini qasddan mensimasdan “Tabassum” nomli restoran ish yurituvchisi va ofitsianti bilan janjallashgan. Janjal vaqtida B.S. o‘roqni restoran ofitsianti O.D.ning tanasiga bir marotaba sanchib olgan.
Karmana tumani Tibbiyot birlashmasining 10-maydagi xulosasiga ko‘ra, jabrlanuvchiga bo‘yin sohasi orqali yuzasi chuqur kesilgan jarohat tashxisi qo‘yilgan.
Holat yuzasidan aka-ukaga nisbatan Jinoyat kodeksining 277-modda (bezorilik) 2-qismi “b,v” bandlari bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Avvalroq Navoiyda rashk sabab bir erkak va ayol pichoqlangani, Samarqandda sobiq turmush o‘rtog‘ining uyiga farzandini ko‘rishga kelgan erkak qaynonasini o‘roq bilan urib o‘ldirgani, Navoiyda pochchasi bilan ichkilikbozlik qilgan uka opasini pichoqlab o‘ldirib qo‘ygani to‘g‘risida xabar berilgandi.
Mavzuga doir:
Izoh (0)