“Manchester Siti” o‘z tarixida 7-marta Angliya chempioni bo‘ldi

“Manchester Siti” klubi Angliya Premyer Ligasining 2020/21-yilgi mavsumi chempioniga aylandi.

“Manchester Yunayted” APLning 36-turida “Lester”ga 1:2 hisobida mag‘lub bo‘lganidan so‘ng Pep Gvardiola boshchiligidagi jamoa musobaqa g‘olibiga aylandi. Mavsum tugashiga ikki tur qolganida “shaharliklar” eng yaqin ta’qibchisi — “Manchester Yunayted”dan 10 ochkoga ilgarilab ketgan. Ayni paytda “Siti”ning hisobida 80, “Yunayted”da esa 70 ochko mavjud. 3-pog‘onadagi “Lester” 66 ochkoga ega.

Qayd etish joiz, Manchester klubi so‘nggi to‘rt yil ichida uchinchi marta APL g‘olibligini qo‘lga kiritdi. Jamoa uchun bu Angliya Premyer Ligasidagi yettinchi g‘alaba bo‘ldi. Bungacha “shaharliklar” 1936/37, 1967/68, 2011/12, 2013/14, 2017/18 va 2018/19-yilgi mavsumlarda chempionlikni tantana qilgandi.