Transfermarkt portali eng qimmat narxga transfer qilingan braziliyalik futbolchilar reytingini e’lon qildi.
Neymarning 2017-yilda 222 million yevro evaziga “Barselona”dan “PSJ”ga o‘tishi birinchi o‘rindan joy olgan. Bu nafaqat braziliyalik futbolchilar orasida, balki futbol tarixidagi eng qimmat xarid hisoblanadi.
Keyingi o‘rinda Filippe Koutinyoning “Liverpul”dan “Barselona”ga transferi (135 mln yevro) qayd etilgan bo‘lsa, Neymarning “Santos”dan “Barselona”ga kelishi (88,2 mln yevro) kuchli uchlikka yakun yasagan.
Quyida o‘nlik ro‘yxat bilan tanishing:
- Neymar (“Barselona”dan “PSJ”ga) — 222 mln yevro;
- Filippe Koutinyo (“Liverpul”dan “Barselona”ga) — 135 mln yevro;
- Neymar (“Santos”dan “Barselona”ga) — 88,2 mln yevro;
- Artur (“Barselona”dan “Yuventus”ga) — 72 mln yevro;
- Kaka (“Milan”dan “Real”ga) — 67 mln yevro;
- Alisson Bekker (“Roma”dan “Liverpul”ga) — 62,5 mln yevro;
- Oskar (“Chelsi”dan “Shanxay SIPG”ga) — 60 mln yevro;
- Fred (“Shaxtyor”dan “Manchester Yunayted”ga) — 59 mln yevro;
- Xalk (“Zenit”dan “Shanxay SIPG”ga) — 55,8 mln yevro;
- Eder Militao (“Portu”dan “Real”ga) — 50 mln yevro;
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)