Futbol bo‘yicha Angliya Premyer Ligasining 36-turida “Manchester Yunayted” 11-may, seshanba kuni “Lester” bilan bahs yuritdi.
10-daqiqada Lyuk Tomas “tulki”larni hisobda oldinga olib chiqdi. Oradan besh daqiqa o‘tib, Meyson Grinvud muvozanatni tiklashga erishdi. Ammo Chaglar Suyunju 66-daqiqada hisobni 2:1 ko‘rinishiga keltirib, jamoasining g‘alabasini ta’minladi.
Shu tariqa mazkur o‘yindagi g‘alaba evaziga “Lester” “Manchester Siti”ning chempion bo‘lishiga zamin yaratib berdi. Ikkinchi o‘rindagi “Manchester Yunayted” endi hech qanaqasiga “shaharliklar”ga yetib ololmaydi. Musobaqa tugashiga yana ikki tur qolgan.
APL
36-tur bahsi
11-may, seshanba
“Manchester Yunayted” – “Lester” 1:2
Gollar: 0:1 – 10 Tomas, 1:1 – 15 Grinvud, 1:2 – 66 Suyunju.“Manchester Yunayted”: De Xea, Tuanzebe, Bayi, Uilyams, Telles, Mata, Matich, van de Bek, Elanga (Reshford, 66), Grinvud (Kavani, 66), Diallo (Brunu Fernandesh, 78).
“Lester”: Shmeyxel, Kastan, Fofana, Suyunju, Tomas, Ndidi, Tilemans, Olbrayton, Peres (Meddison, 65), Vardi (Chouduri, 80), Iheanacho.
Izoh (0)