Akfa Lighting 9 май билан табрикламоқда

Akfa Lighting компанияси ходимлари Хотира ва қадрлаш куни арафасида Иккинчи жаҳон уруши фахрийлари ва иштирокчиларини зиёрат қилди.

Уларга озиқ-овқат тўпламлари тарқатилди, шунингдек, байрам билан самимий табриклашди. Ҳар йили 9 майда бутун мамлакат бўйлаб истироҳат боғлари, хиёбонлар ва майдонларда оммавий тадбирлар ўтказилади, илиқ сўзлар айтилиб, ғалаба ҳамда янги авлодлар келажагига залворли ҳисса қўшган ҳамюртларимиз жасорати хотирланади.

Фахрийларимиз, шунингдек, уларга оловли остоналарни босиб ўтишга ёрдам берган инсонлар, хусусан, икки сменалаб ишлаган завод, фабрика ишчилари, ҳамширалар ва бошқа кўплаб қаҳрамонлар туфайли бугун биз тинч осмон остидаги мамлакатда яшамоқдамиз.

Қонли урушга жалб қилинган давлатлар оилалар, болалар, набираларнинг тинч ҳаёти учун жуда катта йўқотишларни бошдан кечирди. Кўплар фронтдан қайтмади. Ўша машъум кунлар ёдида бўлганлар, одатда у йилларнинг даҳшати ҳақида эслашни хоҳлашмайди.

Ғулом Маҳкамов фронтга 1944 йилда отланган, ўша вақтда у 18 ёшда эди. Бу йил у 95 ёшни қаршилайди. Агар ҳозир фахрийларимизнинг оқ-қора суратларига қарайдиган бўлсак, уруш ўчириб бўлмайдиган из қолдирганини пайқаш мумкин. Суратлардаги йигитлар ёшига нисбатан сезиларли даражада катта кўринади. Ғулом ака Берлингача етиб борган, озмунча қийинчилик ва тўсиқларни енгиб ўтмаган. Бугун у фарзандлари ва набиралари даврасида, эътибор ва эъзозда. Akfa Lighting ходимлари унга чин кўнгилдан мустаҳкам соғлиқ тилашди ва совғалар улашишди.

Яна бир фахрий Асқар Жумаев Украина, Германия ва Берлинда, Владимир Кузнецов Беларусда, Мақсуд Оқилов эса Венгрияда жанг қилган. Akfa Lighting ходимлари уларни Хотира ва қадрлаш куни билан муборакбод этди, шунингдек, фронт ортида меҳнат қилган Ҳури Абдуллаева, Жамила Нурмуҳаммедова, Фотима Салимсоқова, Анастасия Воронцова, Любовь Мореванинг хонадонларига ташриф буюриб, озиқ-овқат тўпламларини етказишди.

Замонавий авлод учун фахрийлар ва Иккинчи жаҳон уруши қатнашчилари жасорат ҳамда мардлик намунаси бўлиб қолади ва биз уларнинг олдидаги қарзимизни ҳеч қачон узолмаймиз!

Реклама ҳуқуқи асосида.