Kuzatuv kameralariga muhrlangan video Janubiy Amerikada virus kabi tarqalib, Chilidagi ko‘plab telekanallarning yangiliklaridan o‘rin oldi. AYoQShda mashinasiga yonilg‘i quyayotgan erkak o‘g‘rilar hamda ularning mashinasi ustiga benzin sepib, qutulib qoldi, deb xabar beradi Motor.
Ko‘ngilsiz hodisa 29-aprel kuni Chili poytaxti Santyagoda sodir bo‘lgan. Videotasvirdagi bosh qahramon o‘zining Subaru Legacy mashinasiga Independensiya kommunasidagi Sores firmasiga qarashli AYoQShda yonilg‘i to‘ldirayotganida Chevrolet N300 furgonchasida uch nafar o‘g‘ri yetib kelgan. Jinoyatchilar uning yo‘lini to‘sish uchun turli tarafdan kelgan; ulardan birining qo‘lida pistolet bo‘lgan.
Biroq erkak sarosimaga tushmasdan, yonilg‘i quyish pistoletidan o‘zini o‘zi mudofaa qilish quroli sifatida foydalangan. Jinoyatchilarni yoniga yo‘latmagan erkak hujum qilgan uchala erkakning ustiga benzin sepgan — shundan so‘ng ular qochishga tushgan. Shu bilan birga, u furgon ichiga ham benzin sepishga ulgurgan. Omadsiz o‘g‘rilar baribir topilmagan.
Avvalroq amerikalik erkak BMW sotib olish uchun test-drayvga olingan mashinada bankka o‘g‘irlikka tushgani, biroq dilerlik markazida bitimni rasmiylashtirishni juda tezlashtirgani sabab jinoyat joyida barmoq izi mavjud varaqni qoldirib ketgani sabab qo‘lga tushgani to‘g‘risida xabar berilgandi.
Izoh (0)