Кузатув камераларига муҳрланган видео Жанубий Америкада вирус каби тарқалиб, Чилидаги кўплаб телеканалларнинг янгиликларидан ўрин олди. АЁҚШда машинасига ёнилғи қуяётган эркак ўғрилар ҳамда уларнинг машинаси устига бензин сепиб, қутулиб қолди, деб хабар беради Motor.
Кўнгилсиз ҳодиса 29 апрель куни Чили пойтахти Сантьягода содир бўлган. Видеотасвирдаги бош қаҳрамон ўзининг Subaru Legacy машинасига Индепенденсия коммунасидаги Sores фирмасига қарашли АЁҚШда ёнилғи тўлдираётганида Chevrolet N300 фургончасида уч нафар ўғри етиб келган. Жиноятчилар унинг йўлини тўсиш учун турли тарафдан келган; улардан бирининг қўлида пистолет бўлган.
Бироқ эркак саросимага тушмасдан, ёнилғи қуйиш пистолетидан ўзини ўзи мудофаа қилиш қуроли сифатида фойдаланган. Жиноятчиларни ёнига йўлатмаган эркак ҳужум қилган учала эркакнинг устига бензин сепган — шундан сўнг улар қочишга тушган. Шу билан бирга, у фургон ичига ҳам бензин сепишга улгурган. Омадсиз ўғрилар барибир топилмаган.
Аввалроқ америкалик эркак BMW сотиб олиш учун тест-драйвга олинган машинада банкка ўғирликка тушгани, бироқ дилерлик марказида битимни расмийлаштиришни жуда тезлаштиргани сабаб жиноят жойида бармоқ изи мавжуд варақни қолдириб кетгани сабаб қўлга тушгани тўғрисида хабар берилганди.
Изоҳ (0)