O‘ziga xos kiyinishi bilan Instagram’da allaqachon mashhurlikka erishib bo‘lgan uy hayvonlari haqida ma’lumot berib o‘tamiz.
Bodhi @mensweardog
Egalari erkaklar libosini kiydirib olgan surati bilan bo‘lishganidan keyin Bodhi laqabli it Instagram’dagi eng mashhur hayvonlardan biriga aylangan. Bugungi kunda uni 400 ming obunachi kuzatadi.
Agador @poochofnyc
Suratga yaxshi tushish, kiyim yarashishi borasida Agadorning oldiga tusha oladigani yo‘q. Jingalak sochli itga kiydirilgan kiyimlar u uchun maxsus tikilgandek go‘yo.
Zappa @zappa_the_cat
Zappa laqabli mushuk hashamatli hayotga allaqachon o‘rganib bo‘lgan. Shaxsiy stilist, qimmatbaho brend va taqinchoqlar, 100 mingdan ortiq kuzatuvchi va fotosessiyalar unga begona emas.
Prissi and Pop @prissy_pig
Floridada yashaydigan Prissini dunyodagi eng zamonaviy cho‘chqacha deb atasa bo‘ladi. Mazkur hayvon yasanish va kameraga qarab suratga tushishni juda ham yaxshi ko‘radi.
Lola Sunshayn @littlelolasunshine
Lolani esa street style yulduzi deb atasa bo‘ladi. Instagram’da @littlelolasunshine nomli sahifaga ega bo‘lgan mazkur it moda haftaliklarining doimiy mehmoni.
Sprout @brussels.sprout
Model, bloger, shaharlik olifta va shunchaki yaxshi hayvon sifatida ma’lum bo‘lgan Sprout’ni Instagram’da 165 mingdan ko‘proq obunachi kuzatadi va ularning soni kundan kunga ko‘paymoqda.
Angel @angelbengal
Angel laqabli mushuk o‘ziga mahliyo qiladigan tashqi ko‘rinishi va kulgili videolari bilan odamlar qalbidan joy olgan. Uning aktyorlik mahoratidan kelib chiqib, “Oskar” mukofotiga arziydi deyish mumkin.
Jiffpom @jiffpom
Jiff Ginnesning rekordlar kitobidan ikkita oyoqda eng tez yuguruvchi kuchuk sifatida o‘rin olgan. Suratga tushishni yaxshi ko‘rishiga nazar tashlab, uni model bo‘lish uchun tug‘ilgan deb xulosa qilish mumkin.
Svaggy @swagrman
Zamonaviy ko‘zoynaklar, yorqin, keng kiyimlar va quloqlari pushti rangga bo‘yalgan mazkur kuchuk esa reperlarning klipida suratga tushish uchun tug‘ilgandek. Unga dabdabali hayot — qimmatbaho mashinalar, koshonalar begona emas.
Rokko @roccothepug
Rokko laqabli itga esa klassik kostyum juda ham yarashadi. Bunday kiyimda o‘zini janoblardek tutishi haqida-ku gapirmasa ham bo‘laveradi.
Mavzuga doir:
Izoh (0)