Navoiy viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari – turizm va sport bosh boshqarmasi boshlig‘i lavozimiga Mirzayev Sa’dulla Dehqonovich tayinlandi. Bu haqda viloyat hokimligi matbuot xizmati xabar qildi.
Sa’dulla Dehqonovich shu davrgacha Navoiy viloyati statistika boshqarmasi boshlig‘i lavozimida ishlab kelgan. O‘zbekiston Respublikasi Bank-moliya akademiyasining magistri.
Ish faoliyatini Nurota tumanidagi 20-umumiy o‘rta ta’lim maktabi o‘qituvchisi sifatida boshlagan. Ma’lumoti bo‘yicha mutaxassisligi — iqtisodchi, moliyachi.
Bundan avval Toshkent shahar hokimiga yangi o‘rinbosar, Surxondaryo viloyati hokimi To‘ra Bobolovga yangi o‘rinbosar, Qashqadaryo hokimi Zoir Mirzayevga birinchi o‘rinbosar hamda O‘zbekiston turizm va sport vaziriga yangi o‘rinbosar tayinlangani haqida xabar berilgandi.
Izoh (0)