Qo‘qon shahrida Hind madaniyati markazi ish boshladi

Farg‘ona viloyatining Qo‘qon shahrida Hind madaniyati markazi tashkil etildi, deya xabar berdi “Daryo” muxbiri.

Qo‘qon davlat pedagogika instituti qoshida ochilgan yangi markazda hind madaniyati, san’ati va tarixiga oid adabiyotlar hamda eksponatlar o‘rin olgan.

Madaniyat markazining ochilish marosimida shahar hokimi Ma’rufjon Usmonov, Hindistonning O‘zbekistondagi elchixonasi vakili Aditi Valundj xonim, Bahodir La’l Shastri nomidagi hind madaniyati markazi direktori Chandra Shekxar ishtirok etgan.

Tadbir davomida ikki tomonlama madaniy aloqalar rivojlantirilishi va Qo‘qon shahrida yoga studiyalari ochilishi ma’lum qilingan.

Shuningdek, O‘rda maydonida Xalqaro raqs kuniga bag‘ishlab hind-o‘zbek raqs va konsert dasturi namoyish etilgan.