Toshkent metropolitenining “Novza” bekati yaqinida poyezd vagoni texnik nosozlik oqibatida to‘xtab qoldi. Ijtimoiy tarmoqlarda metro yo‘lovchilari tunnel bo‘ylab piyoda ketayotgani aks etgan video va fotolar tarqaldi.
“Daryo” mushtariylarining @daryo_livebot orqali ma’lum qilishicha, metroning “Chilonzor” yo‘nalishi bo‘ylab poyezdlar “teskari yuryapti”. Yana bir mushtariy “Sergeli yo‘lida yarim soatdan beri metro to‘xtab turgani” haqida yozib yuborgan.
“Chilonzor” metro bekatidagi vaziyat. Fotosurat 28-aprel kuni soat 17:57 da “Daryo” mushtariyi tomonidan yuborilgan.Foto: Telegram / @daryo_livebot
“Poyezd odamlarni 2-bekatda tushirib, orqaga qaytib ketdi. Yo‘lovchilar izoh talab qilmoqda”, — deb yozgan sergelilik mushtariy.
“Chilonzor” metro bekatidagi vaziyat. Fotosurat 28-aprel kuni soat 17:57 da “Daryo” mushtariyi tomonidan yuborilgan.Foto: Telegram / @daryo_livebot
Avvalroq, 8-aprel kuni Toshkent metrosining Sergeli yerusti yo‘lida ham poyezd to‘xtab qolgan, yo‘lovchilar relslar bo‘ylab piyoda harakatlanishga majbur bo‘lgan edi. Keyinchalik metro rasmiylari shunday voqea bo‘lishi metro yo‘li qurilayotgan vaqtdayoq kutilgani, biroq bu muammo kutilganidan avval yuz berganini ma’lum qilgandi.
Izoh (0)