Toshkent metropolitenining “Chilonzor” yo‘nalishida 28-aprel kuni yuz bergan texnik nosozlik (avariya)dan so‘ng poyezdlar teskari yo‘nalish bo‘ylab harakatlana boshlagan. Bu haqda “Daryo”ga mushtariylar ma’lum qildi; metro ma’muriyati hodisa yuzasidan biror izoh bergani yo‘q.
“Chilonzor” bekatidagi yo‘lovchi: “Metro teskari yuryapti”, degan izoh bilan video yuborgan. Unda metro poyezdi yo‘lovchilar bilan “Olmazor—Buyuk Ipak yo‘li” yo‘nalishi bo‘ylab harakatlanadigan yo‘ldan teskari — “Olmazor” bekati tomon yurib ketgan; bekat yo‘lovchilarga to‘la.
Sergelidagi metro yo‘lovchisi ham poyezd yo‘lovchilarni “qarama-qarshi yo‘nalish bo‘ylab 5-bekatga olib ketayotgani” haqida xabar bergan. “Faqat bir tomoni ishlayapti shekilli, ham olib borib, ham orqaga qaytyapti”, — deb yozadi mushtariy.
Xabar to‘ldirilmoqda
Izoh (0)