Oxirgi ikki yil barchamizga shu vaqtga qadar amalga oshirgan ishlarimiz, to‘plagan tajribalarimiz yetarli emasligini ko‘rsatib qo‘ydi. Turmushimizning barcha jabhalari raqamlashmoqda. Oldimizda ikki yo‘l bor: bunga qarshilik qilib jarlikka qulash yoki zamonga moslashib, eng talabgir nomga aylanish.
Pandemiya sharoitida dunyo bo‘ylab, shu jumladan, O‘zbekistonda ham pochta va yetkazib berish xizmatlari hamda onlayn do‘konlarga bo‘lgan talab sezilarli darajada o‘sdi. Hozirda yurtdoshlarimiz uyidan chiqmasdan turib, xorijdan istalgan mahsulotlarini xarid qilishi mumkin. Mahalliy ishlab chiqaruvchilarning mahsulotlari O‘zbekiston bo‘ylab sotilishi esa hali unchalik rivojlanmagan.
Unisavdo.uz – tadbirkorlar o‘z mahsulotlarini sotishi uchun maxsus maydonchaga ega bo‘lgan O‘zbekistondagi ilk platforma. Yaqin kelajakda mahsulot saqlaydigan omborxona, mahsulotni qadoqlaydigan markazlarni ishga tushirish rejalashtirilgan. Bugungi kunda xarid qilingan mahsulotlarni manzilga yetkazib berish tizimi yaratilgan.
Saytning quyidagi afzalliklari mavjud:
- mahsulotlarni uzoq vaqt sarflamasdan turib narxi, mashhurligi, reytingi bo‘yicha saralash;
- 50 ga yaqin mahsulot toifalari;
- mamlakat bo‘ylab 2000 dan ortiq jo‘natmalarni qabul qilish va yuborish punktlari;
- butun respublika bo‘ylab yetkazib berish;
- turli shakllarda to‘lovlarni amalga oshirish;
- faqat tasdiqlangan sotuvchilardan xarid qilish va ko‘plab boshqa qulay imkoniyatlar.
Ma’lumot uchun
Unisavdo.uz “O‘zbekiston pochtasi” AJ tomonidan respublikada elektron tijoratni yanada rivojlantirish va ishlab chiqaruvchilar mahsulotlarining eksportini qo‘llab-quvvatlash maqsadida yaratilgan bo‘lib, bu orqali aholining onlayn xaridlarni amalga oshirishini qulaylashtirish hamda mamlakatda kichik va o‘rta biznesni yanada rivojlantirishni o‘z oldiga maqsad qilgan. Hozirda kompaniya tomonidan yangi imkoniyatlarni qo‘shish, smartfonlar uchun mo‘ljallangan mobil ilovasini yaratish va ishga tushirish bo‘yicha ishlar olib borilmoqda.
Bundan tashqari “O‘zbekiston pochtasi” AJ elektron tijorat sohasida keng imkoniyatlarga ega bo‘lgan Fulfilment markazini qurishni rejalashtirmoqda. Fulfilment markazi eng avvalo, internet maydonchalari egalariga o‘z mahsulotlarini saqlash va internet maydon orqali olingan mahsulotlarni tez fursatlarda mijozlarga yetkazib berish imkoniyatini beradi. Jamiyat tomonidan amalga oshirilishi rejalashtirilgan ishlardan maqsad xalqimizga yanada sifatli va ishonchli xizmat ko‘rsatishdan iborat.
Shu kabi maqsadlarni amalga oshirish uchun joriy yil yakuniga qadar, Toshkent shahrida logistika markazini tashkil etish rejasi ustida ham ishlar olib borilmoqda.
“O‘zbekiston pochtasi” AJ pandemiya davrida qat’iy sanitariya-gigiyena talablariga rioya qilgan holda mijozlarga o‘z xizmatlarini ko‘rsatib kelmoqda. O‘zbekistonda faoliyat yuritayotgan maxsus komissiya xulosasiga ko‘ra, karantin cheklovlari bois, 2020-yilda ichki hududlar va xorijiy davlatlar bilan avto va avia qatnovlardagi cheklovlar sabab jo‘natmalarni va davriy nashrlarni yetkizib berilish muddatlarida farqlanish sezildi. Ammo “O‘zbekiston pochtasi” AJ tomonidan pochta xizmatlari ko‘rsatilishini to‘xtatmaslik va imkon qadar qisqa fursatlarda yetkazish choralari ko‘rilmoqda.
Reklama huquqi asosida.
Izoh (0)