Охирги икки йил барчамизга шу вақтга қадар амалга оширган ишларимиз, тўплаган тажрибаларимиз етарли эмаслигини кўрсатиб қўйди. Турмушимизнинг барча жабҳалари рақамлашмоқда. Олдимизда икки йўл бор: бунга қаршилик қилиб жарликка қулаш ёки замонга мослашиб, энг талабгир номга айланиш.
Пандемия шароитида дунё бўйлаб, шу жумладан, Ўзбекистонда ҳам почта ва етказиб бериш хизматлари ҳамда онлайн дўконларга бўлган талаб сезиларли даражада ўсди. Ҳозирда юртдошларимиз уйидан чиқмасдан туриб, хориждан исталган маҳсулотларини харид қилиши мумкин. Маҳаллий ишлаб чиқарувчиларнинг маҳсулотлари Ўзбекистон бўйлаб сотилиши эса ҳали унчалик ривожланмаган.
Unisavdo.uz – тадбиркорлар ўз маҳсулотларини сотиши учун махсус майдончага эга бўлган Ўзбекистондаги илк платформа. Яқин келажакда маҳсулот сақлайдиган омборхона, маҳсулотни қадоқлайдиган марказларни ишга тушириш режалаштирилган. Бугунги кунда харид қилинган маҳсулотларни манзилга етказиб бериш тизими яратилган.
Сайтнинг қуйидаги афзалликлари мавжуд:
- маҳсулотларни узоқ вақт сарфламасдан туриб нархи, машҳурлиги, рейтинги бўйича саралаш;
- 50 га яқин маҳсулот тоифалари;
- мамлакат бўйлаб 2000 дан ортиқ жўнатмаларни қабул қилиш ва юбориш пунктлари;
- бутун республика бўйлаб етказиб бериш;
- турли шаклларда тўловларни амалга ошириш;
- фақат тасдиқланган сотувчилардан харид қилиш ва кўплаб бошқа қулай имкониятлар.
Маълумот учун
Unisavdo.uz «Ўзбекистон почтаси» АЖ томонидан республикада электрон тижоратни янада ривожлантириш ва ишлаб чиқарувчилар маҳсулотларининг экспортини қўллаб-қувватлаш мақсадида яратилган бўлиб, бу орқали аҳолининг онлайн харидларни амалга оширишини қулайлаштириш ҳамда мамлакатда кичик ва ўрта бизнесни янада ривожлантиришни ўз олдига мақсад қилган. Ҳозирда компания томонидан янги имкониятларни қўшиш, смартфонлар учун мўлжалланган мобил иловасини яратиш ва ишга тушириш бўйича ишлар олиб борилмоқда.
Бундан ташқари «Ўзбекистон почтаси» АЖ электрон тижорат соҳасида кенг имкониятларга эга бўлган Fulfilment марказини қуришни режалаштирмоқда. Fulfilment маркази энг аввало, интернет майдончалари эгаларига ўз маҳсулотларини сақлаш ва интернет майдон орқали олинган маҳсулотларни тез фурсатларда мижозларга етказиб бериш имкониятини беради. Жамият томонидан амалга оширилиши режалаштирилган ишлардан мақсад халқимизга янада сифатли ва ишончли хизмат кўрсатишдан иборат.
Шу каби мақсадларни амалга ошириш учун жорий йил якунига қадар, Тошкент шаҳрида логистика марказини ташкил этиш режаси устида ҳам ишлар олиб борилмоқда.
«Ўзбекистон почтаси» АЖ пандемия даврида қатъий санитария-гигиена талабларига риоя қилган ҳолда мижозларга ўз хизматларини кўрсатиб келмоқда. Ўзбекистонда фаолият юритаётган махсус комиссия хулосасига кўра, карантин чекловлари боис, 2020 йилда ички ҳудудлар ва хорижий давлатлар билан авто ва авиа қатновлардаги чекловлар сабаб жўнатмаларни ва даврий нашрларни еткизиб берилиш муддатларида фарқланиш сезилди. Аммо «Ўзбекистон почтаси» АЖ томонидан почта хизматлари кўрсатилишини тўхтатмаслик ва имкон қадар қисқа фурсатларда етказиш чоралари кўрилмоқда.
Реклама ҳуқуқи асосида.
Изоҳ (0)