Armaniston prezidenti koronavirusga qarshi emlandi, global sog‘liqni saqlash tizimidagi favqulodda vaziyat yana uch oyga uzaytirildi, Germaniya COVID-19’ni tadqiq qilishga 1,6 mlrd yevro ajratadi. Koronaxabarlar

Jons Hopkins universiteti ma’lumotlariga ko‘ra, dunyoda koronavirus bilan kasallanganlar soni 142 142 960 kishiga yetdi. Ushbu ko‘rsatkich bo‘yicha yuqori beshlikda AQSh (31,7 million), Hindiston (15,3 million), Braziliya (13,9 million), Fransiya (5,3 million) va Rossiya (4,6 million) hamon o‘z o‘rnini saqlab turibdi. Shuningdek, koronavirus oqibatidagi o‘limlar soni dunyo bo‘yicha 3 031 236 tani tashkil qilmoqda.

Armaniston prezidenti Armen Sarkisyan koronavirus infeksiyasiga qarshi emlandi, deya xabar bermoqda prezident ma’muriyati.

Shu yilning boshida chet elda koronavirusni yuqtirib olgan Armen Sarkisyan va uning rafiqasi Nune Sarkisyan “shifokorlar ko‘rsatmasi bilan, sog‘ayib ketganidan keyin vaksina oldi”, deya ma’lum qilgan ma’muriyat. Ammo prezident va rafiqasi aynan qanday vaksina bilan emlanganiga aniqlik kiritilmagan.

“JSST bosh direktori COVID-19 pandemiyasi jamoatchilik sog‘lig‘ini saqlash sohasida xalqaro ahamiyatga ega favqulodda vaziyat bo‘lishda davom etayotgani haqida qaror qabul qildi. U qo‘mitaning tavsiyalariga qo‘shildi”, — deyiladi xabarda.

Pandemiya “hamon favqulodda voqea sifatida dunyo aholisi salomatligiga salbiy ta’sir qilishda davom etmoqda”, — deya ma’lum qildi JSST ekspertlari kasallikning xalqaro tarqalish xavfi va uning xalqaro transport tashuvlariga ta’siri muvofiqlashtirilgan xalqaro javob talab qilishini ta’kidladi.

Shu bilan birga, tashkilotning Favqulodda vaziyatlar qo‘mitasi COVID-19’ga qarshi emlanishni mamlakatga kirish sharti etib belgilamaslikni tavsiya qildi.

Pandemiya sharoitida xalqaro safarlar masalasi bo‘yicha tavsiyalar bo‘limida qo‘mita “vaksinalarning virus yuqishidagi samaradorligi haqidagi ma’lumotlarning cheklanganini hamda vaksinalarning global taqsimlanishidagi adolatsizlik saqlanib qolayotganini hisobga olib, mamlakatga kirish sharti sifatida emlangani haqida isbot talab qilmaslikni maslahat berdi.

Shuningdek, davlatlarga vaksina olganlik haqidagi hujjatni talab qilish tengsizlikni chuqurlashtirib yuborishi va harakatlanishning tabaqalashtirilgan erkinligini keltirib chiqarishi mumkinligini tan olish qat’iy tavsiya etiladi.

“Bugungi kunda har bir voyaga yetgan shaxs COVID-19’ga qarshi vaksina olish huquqiga ega. Yaxshiroq kunlar oldinda”, — deb yozdi Bayden.

Ta’kidlanishicha, vaksinatsiya olish uchun umumiy imkoniyat 1-maydan taqdim etilishi rejalashtirilgan, ammo oxir-oqibat cheklovlarni ertaroq bekor qilishga qaror qilingan.

Shuning 627 million yevroga yaqini COVID-vaksinalar ishlab chiqish bilan shug‘ullanuvchi BioNTech va CureVac kompaniyalari uchun mo‘ljallangan.