Жонс Ҳопкинс университети маълумотларига кўра, дунёда коронавирус билан касалланганлар сони 142 142 960 кишига етди. Ушбу кўрсаткич бўйича юқори бешликда АҚШ (31,7 миллион), Ҳиндистон (15,3 миллион), Бразилия (13,9 миллион), Франция (5,3 миллион) ва Россия (4,6 миллион) ҳамон ўз ўрнини сақлаб турибди. Шунингдек, коронавирус оқибатидаги ўлимлар сони дунё бўйича 3 031 236 тани ташкил қилмоқда.
Armaniстон президенти Армен Саркисян коронавирус инфекциясига қарши эмланди, дея хабар бермоқда президент маъмурияти.
Шу йилнинг бошида чет элда коронавирусни юқтириб олган Армен Саркисян ва унинг рафиқаси Нуне Саркисян «шифокорлар кўрсатмаси билан, соғайиб кетганидан кейин вакцина олди», дея маълум қилган маъмурият. Аммо президент ва рафиқаси айнан қандай вакцина билан эмланганига аниқлик киритилмаган.
Жаҳон соғлиқни сақлаш ташкилоти COVID-19 пандемияси туфайли глобал соғлиқни сақлаш тизимидаги фавқулодда вазият режимини уч ойга узайтирди. Бу ҳақда ЖССТ Фавқулодда вазиятлар қўмитаси маълум қилди.«ЖССТ бош директори COVID-19 пандемияси жамоатчилик соғлиғини сақлаш соҳасида халқаро аҳамиятга эга фавқулодда вазият бўлишда давом этаётгани ҳақида қарор қабул қилди. У қўмитанинг тавсияларига қўшилди», — дейилади хабарда.
Пандемия «ҳамон фавқулодда воқеа сифатида дунё аҳолиси саломатлигига салбий таъсир қилишда давом этмоқда», — дея маълум қилди ЖССТ экспертлари касалликнинг халқаро тарқалиш хавфи ва унинг халқаро транспорт ташувларига таъсири мувофиқлаштирилган халқаро жавоб талаб қилишини таъкидлади.
Шу билан бирга, ташкилотнинг Фавқулодда вазиятлар қўмитаси COVID-19’га қарши эмланишни мамлакатга кириш шарти этиб белгиламасликни тавсия қилди.
Пандемия шароитида халқаро сафарлар масаласи бўйича тавсиялар бўлимида қўмита «вакциналарнинг вирус юқишидаги самарадорлиги ҳақидаги маълумотларнинг чекланганини ҳамда вакциналарнинг глобал тақсимланишидаги адолатсизлик сақланиб қолаётганини ҳисобга олиб, мамлакатга кириш шарти сифатида эмлангани ҳақида исбот талаб қилмасликни маслаҳат берди.
Шунингдек, давлатларга вакцина олганлик ҳақидаги ҳужжатни талаб қилиш тенгсизликни чуқурлаштириб юбориши ва ҳаракатланишнинг табақалаштирилган эркинлигини келтириб чиқариши мумкинлигини тан олиш қатъий тавсия этилади.
АҚШда 19 апрель, душанба кундан COVID-19’га қарши вакцинани мамлакатнинг 16 ёшдан ошган барча фуқаролари олиши мумкин бўлди.«Бугунги кунда ҳар бир вояга етган шахс COVID-19’га қарши вакцина олиш ҳуқуқига эга. Яхшироқ кунлар олдинда», — деб ёзди Байден.
Таъкидланишича, вакцинация олиш учун умумий имконият 1 майдан тақдим этилиши режалаштирилган, аммо охир-оқибат чекловларни эртароқ бекор қилишга қарор қилинган.
Германия коронавирусни тадқиқ қилиш учун 1,6 миллиард евро ажратади. Ушбу сумма 2020 йилда ҳукумат томонидан соғлиқни сақлаш соҳасидаги тадқиқотлар учун аллақачон ажратилган 2,9 миллиард еврога қўшимча ҳисобланади.Шунинг 627 миллион еврога яқини COVID-вакциналар ишлаб чиқиш билан шуғулланувчи BioNTech ва CureVac компаниялари учун мўлжалланган.
Мавзуга доир: Ангела Меркель AstraZeneca вакцинаси билан эмланди
Изоҳ (0)